قر سىبايلاس جەمقورلىققا قارسى ٸس-قيمىل اگەنتتٸگٸ پەن «قازپوشتا» اق سىبايلاس جەمقورلىققا قارسى كٷرەسكە ارنالعان پوشتا ماركالارىن ساتىلىمعا شىعاردى, دەپ حابارلايدى "ۇلت اقپارات".
قر سىبايلاس جەمقورلىققا قارسى قىزمەتٸ — تاقىرىپتىق ماركا شىعارعان العاشقى قۇقىق قورعاۋ ورگانى.
ماركا ديزاينىنا قۇقىق قورعاۋ ورگانىنىڭ كوممۋنيكاتيۆتٸ لوگوتيپٸ نەگٸزگە الىنعان. ماركادا اگەنتتٸكتٸڭ «ەدٸلدٸك. پاراساتتىلىق. سەنٸم» قۇندىلىقتارى جازىلعان. بۇل قۇندىلىقتار لوگوتيپتە قولدانىلعان تٷستەردە دە بەرٸلگەن: اسپان تٷستەس – ەدٸلدٸكتٸ, كەمەلدٸككە, جاڭارۋعا ۇمتىلۋدى; كٶك تٷس – سەنٸم مەن قاۋٸپسٸزدٸكتٸ بەينەلەيدٸ.
پوشتا ماركاسىنا ەستەلٸك بەلگٸ سوعۋ سالتاناتى اگەنتتٸك تٶراعاسى اليك شپەكباەۆ پەن «قازپوشتا» اق باسقارما تٶراعاسى سەكەن سەرسەنوۆتٸڭ قاتىسۋىمەن ٶتتٸ.
سىبايلاس جەمقورلىققا قارسى قىزمەت باسشىسى ٶز سٶزٸندە شارانىڭ ماڭىزدىلىعىن اتاپ ٶتتٸ.
«جەمقورلىقپەن كٷرەس ٶزگەرٸسكە ۇشىرادى. بۇرىنعى قورقىنىشتى, جازالاۋ شارالارىنا بەرٸلگەن باسىمدىق ەندٸ قۇقىق بۇزۋشىلىقتاردىڭ الدىن الۋعا اۋىستى. Cوندىقتان, اگەنتتٸك قىلمىستىق-قۇقىقتىق شارالارمەن قوسا, جەمقورلىقتى قابىلداماۋ يدەياسىن ناسيحاتتاۋعا, اقپاراتتاندىرۋعا, سونىمەن قاتار ازاماتتىق قوعامدى كەڭٸنەن جۇمىلدىرۋعا كٷش سالۋدا. ماركانى شىعارۋ – وسى جولداعى قادامنىڭ بٸرٸ», - دەدٸ اليك شپەكباەۆ.
ۇلتتىق پوشتا وپەراتورىنىڭ باسشىسى سەكەن سەرسەنوۆ: ««ماركا شىعارۋ - قازاقستان اۋماعىندا سىبايلاس جەمقورلىققا تٶزبەۋ يدەياسىن تاراتۋعا جەنە سىبايلاس جەمقورلىق كٶرٸنٸستەرٸنە جول بەرمەۋ تۋرالى ەلباسى مەن مەملەكەت باسشىسىنىڭ ۇستانىمىن ساقتاۋعا مٷمكٸندٸك بەرەتٸن وقيعا بولادى دەپ ٷمٸتتەنەمٸز», - دەپ اتاپ ٶتتٸ.
ماركا 2020 جىلدىڭ 24 ماۋسىمىنان باستاپ اينالىمعا ەنەدٸ. باعاسى – 200 تەڭگە. تارالىمى – 10 000 دانا. ماركانى «مەملەكەت ساياساتى» سەريياسىمەن قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ شىعاردى. اۆتور جەنە گرافيكالىق ديزاينەر — د.سو, تەحنيكالىق ديزاين — ٸ.وڭعاربايدٸكٸ.
