سۋ رەسۋرستارىن باسقارۋ جٶنٸندەگٸ ۇلتتىق جوبا ەزٸرلەنٸپ جاتىر. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى رومان سكلياردىڭ جاۋابىندا ايتىلعان, دەپ حابارلايدى "ۇلت اقپارات".
«قازٸرگٸ ۋاقىتتا سۋ رەسۋرستارىن باسقارۋ جٶنٸندەگٸ ۇلتتىق جوبا ەزٸرلەنۋدە. وندا سۋ قورىن قورعاۋ جٶنٸندەگٸ ٸس-شارالار رەتٸندە ٶزدٸگٸنەن اعىپ جاتقان يەسٸز گيدروگەولوگييالىق ۇڭعىمالاردى جويۋ جٶنٸندەگٸ جۇمىستاردى كٶزدەۋ جوسپارلانۋدا. ۇلتتىق جوبانى ٸسكە اسىرۋ ٷشٸن جالپى سوماسى 66 193,0 مىڭ تەڭگەگە 151 يەسٸز ٶزدٸگٸنەن تٶگٸلەتٸن گيدروگەولوگييالىق ۇڭعىمالاردى جويۋ بويىنشا جوبالاۋ-سمەتالىق قۇجاتتامانى ەزٸرلەۋگە 2021 جىلعا قوسىمشا بيۋدجەتتٸك ٶتٸنٸم بەرٸلدٸ», - دەلٸنگەن ٷكٸمەت باسشىسىنىڭ ورىنباسارىنىڭ رەسمي جاۋابىندا.
ۆيتسە-پرەمەردٸڭ اتاپ ٶتۋٸنشە, اتالعان شىعىستار رەسپۋبليكالىق بيۋدجەت كوميسسيياسىنىڭ شەشٸمٸمەن قولداۋ تاپقان.
«وسىلايشا, 2021-2025 جىلدار كەزەڭٸندە جەر استى سۋلارىنىڭ تابيعي رەسۋرستارىنىڭ ىسىرابىن, جەر قويناۋى مەن قورشاعان ورتانىڭ لاستانۋىن بولدىرماۋ ماقساتىندا 600-دەن استام يەسٸز, ٶزدٸگٸنەن تٶگٸلەتٸن, جوعارى دەبيتتٸ ۇڭعىمالار مەن راديونۋكليدتەرٸ جوعارى ۇڭعىمالاردى جويۋ جوسپارلانىپ وتىر», - دەپ تولىقتىردى رومان سكليار دەپۋتات ساۋالىنداعى جاۋابىندا.
