سوڭعى قوڭىراۋ اياسىندا مۇعالٸمدەرگە سىيلىق الۋعا تىيىم سالىنعان. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا مەلٸم ەتتٸ, دەپ حابارلايدى "ۇلت اقپارات".
«سوڭعى قوڭىراۋ ەدەتتەگٸدەي 25 مامىردا ٶتكٸزٸلەدٸ. بيىلعى شەكتەۋ ٸس-شارالارى ەسكەرٸلٸپ, بٸرنەشە فورمات ۇسىنىلماق. بٸرٸنشٸدەن, دەستٷرلٸ تٷردە اشىق تازا اۋادا 9 جەنە 11-سىنىپ وقۋشىلارى ٷشٸن, سونداي-اق 300-گە دەيٸن وقۋشىسى بار ەرٸ وسى ۋاقىتقا دەيٸن شتاتتىق رەجيمدە وقىتىپ كەلە جاتقان مەكتەپتەر ٶتكٸزە الادى. سونىمەن قاتار, ەكٸ نۇسقا ۇسىنىلىپ وتىر, ياعني سىنىپ ٸشٸندە نەمەسە ونلاين تٷردە ٶتكٸزۋ قاراستىرىلعان. قاجەت دەپ ساناسا, سىنىپ ٸشٸندە ٶتكٸزۋ نۇسقاسى ۇسىنىلادى. ال قاشىقتان وقىتىپ جاتقاندار ٷشٸن سوڭعى قوڭىراۋ مەرەكەسٸ ونلاين رەجيمدە بولادى», - ش. كارينوۆا مينيسترلٸكتٸڭ اپپارات جينالىسىندا.
مۇنىمەن قوسا ول وقۋ جىلىنىڭ اياقتالۋىنا بايلانىستى پەداگوگيكالىق قاعيداتتى ساقتاۋ ٷشٸن ەرتٷرلٸ سىيلىقتاردى الۋعا رۇقسات ەتٸلمەيتٸنٸن ەسكە سالدى.
«جالپى, سوڭعى قوڭىراۋدى ٶتكٸزۋدٸڭ نەگٸزگٸ ماقساتى – بارلىق مەكتەپ وقۋشىلارى ٷشٸن بەلگٸلٸ بٸر سىنىپتى اياقتاپ, كەلەسٸ سىنىپقا ٶتۋ جەنە جازعى دەمالىستىڭ باستالۋى. ال مەكتەپ تٷلەكتەرٸ 9 جەنە 11 سىنىپتار ٷشٸن مەكتەپ بٸتٸرۋ ٸس-شاراسى بولىپ سانالادى. اتاپ ايتقاندا, شتاتتىق رەجيمدە (سوڭعى قوڭىراۋ) ٶتكٸزٸلەتٸن جاعدايدا بارلىق سانيتارلىق تالاپتاردىڭ قاتاڭ ساقتالۋىن مەكتەپ ەكٸمشٸلٸگٸ نازارعا الۋى تيٸس. ەر وقۋشىمەن, ەر مەكتەپ بٸتٸرۋشٸمەن كەلەتٸن اتا-انانىڭ سانى بٸردەن اسپاۋى كەرەك. مۇنىڭ ٶزٸ سانيتارلىق تالاپتاردى ساقتاۋعا مٷمكٸندٸك بەرەدٸ», - دەدٸ ۆيتسە-مينيستر.
