ٶتكەن جىلى قازاقستاندا سٸبٸر جاراسىنىڭ تارالۋىنا ساپاسىز ەكپە سەبەپ بولدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«2016 جىلى سٸبٸر جاراسىنىڭ شىعىس قازاقستان, قاراعاندى, باتىس قازاقستان, پاۆلودار وبلىستارىندا بەس وشاعى تٸركەلدٸ. وسى ورايدا اتالعان ٸندەتكە قارسى ەگٸلگەن ۆاكتسينالاردىڭ ٷلگٸلەرٸ ۋكراينا مەن ەفيوپييانىڭ حالىقارالىق رەفەرەنتتٸك زەرتحانالارىنا ساراپتاماعا جٸبەرٸلدٸ. زەرتتەۋ نەتيجەلەرٸ ۆاكتسينالاردىڭ تيٸستٸ پارامەترلەرگە سەيكەس كەلمەيتٸندٸگٸن راستادى. ماتەريالدار قۇقىق قورعاۋ ورگاندارىنا جولدانىپ, ەكپەنٸ جەتكٸزۋشٸ تاراپ ٶز مٸندەتٸن ادال اتقارمايتىن كومپانييا رەتٸندە تانىلدى», - دەدٸ ٷكٸمەت وتىرىسىندا قر اۋىل شارۋاشىلىعى بٸرٸنشٸ ۆيتسە-مينيسترٸ قايرات ايتۋعانوۆ.
ونىڭ سٶزٸنە قاراعاندا, ساپاسىز ۆاكتسينانى جەتكٸزۋشٸ 71 ملن. تەڭگە سوماسىنداعى بارلىق 13 ملن. دوزانى اۋىستىردى.
«وسىنداي جاعدايعا جول بەرمەس ٷشٸن مەملەكەتتٸك ساتىپ الۋلار تۋرالى شارتقا تاپسىرىس بەرۋشٸ بەلگٸلەگەن زەرتحانالاردا جەتكٸزۋشٸ تاراپتىڭ ەسەبٸنەن ەكپە ساپاسىن مٸندەتتٸ تەكسەرۋ نورماسى ەنگٸزٸلدٸ», - دەدٸ ۆيتسە-مينيستر.
بەلگٸلٸ بولعانداي, ەگەر دە ٶتكەن جىلعى 1 مامىرداعى جاعداي بويىنشا جانۋارلار ٸندەتٸنٸڭ 36 وشاعى تٸركەلسە, اعىمداعى جىلى 23 وشاعى انىقتالدى, ياعني 36 پايىزعا تٶمەندەۋ بايقالدى.
«2017 جىلدىڭ ۆەتەرينارلىق-پروفيلاكتيكالىق ٸس-شارالارىنا سەيكەس, 17 اسا قاۋٸپتٸ اۋرۋلارعا قارسى 150 ملن. ەكپە جاساۋ جوسپارلانعان. ونىڭ ٸشٸندە جىل باسىنان قازٸرگٸ كەزەڭگە دەيٸن 60 ملن. ەكپە قاراستىرىلعان», - دەدٸ ۆيتسە-مينيستر.
مۇنىمەن قوسا, جانۋارلاردىڭ اسا قاۋٸپتٸ اۋرۋلارىنا قاتىستى 70 ملن. ديانگنوستيكالىق تەكسەرۋ جٷرگٸزۋ جوسپارعا ەنگٸزٸلدٸ.
