قازاقستاندا تەمەكٸ شەگۋگە تىيىم سالىنعان ورىندار تٸزٸمٸ كەڭەيتٸلدٸ, دەپ حابارلايدى "ۇلت اقپارات" حابار24kz سايتىنا سٸلتەمە جاساپ.
سايتتىڭ جازۋىنشا, جابىق اۆتوبۋس ايالدامالارىندا, بالالار الاڭدارىندا, مەترودا جەنە جەراستى ٶتكەلدەرٸندە ەلەكتروندى تەمەكٸ, كاليان جەنە تەمەكٸ ٶنٸمدەرٸنٸڭ بارلىق تٷرلەرٸن شەگۋگە تىيىم سالىنادى.
«بٸزدٸڭ جاستار كالياندى مەكەمەلەردە قولدانادى. ەندٸ ولارعا تولىقتاي تىيىم سالىندى. دەمحانالاردا, قوعامدىق ورىنداردا, جازعى كافەلەردە شەگە المايدى, ونى تەك ٷيدە عانا تۇتىنۋعا بولادى», - دەدٸ الكوگول جەنە تەمەكٸ ٶنٸمدەرٸن ساتۋ قاۋىمداستىعىنىڭ اتقارۋشى ديرەكتورى تەمٸرلان جاقىپبەكوۆ.
بۇعان دەيٸن حابارلانعانداي, ەندٸ تەمەكٸنٸ جەنە كاليانعا ارنالعان تٷرلٸ قوسپالاردى 21 جاستان باستاپ قانا ساتىپ الۋعا بولادى. ساتۋشىلار ساتىپ الۋشىلاردان جەكە كۋەلٸكتەرٸن تالاپ ەتۋٸ كەرەك.
تاعى بٸر جاڭالىق – تەمەكٸ مەن كاليان قوسپالارى دٷكەن سٶرەلەرٸندە بولمايدى. بۇل ەرەجە كەلەسٸ جىلدان باستاپ كٷشٸنە ەنەدٸ.
كاليانعا قارسى شەكتەۋلەرگە قاراماستان, تەك شٸلدە ايىنىڭ ٶزٸندە ەلوردالىق پوليتسييا 20 زاڭبۇزۋشىلىقتى تٸركەدٸ. قۇقىق قورعاۋ ورگاندارىنىڭ قىزمەتكەرلەرٸ كٷن سايىن رەيدتەر ٶتكٸزەدٸ.
كاليان مەن تەمەكٸنٸ رۇقسات ەتٸلمەگەن جەردە شەككەنٸ ٷشٸن ايىپپۇل سالىنۋى مٷمكٸن. ايىپپۇل مٶلشەرٸ ەكٸ ەسەگە ارتىپ, 42 مىڭ تەڭگەنٸ قۇرايدى.
