دارىندى جاستاردىڭ ەلدەن كەتۋٸن ازايتۋ ماقساتىندا شەتەل ۋنيۆەرسيتەتتەرٸنٸڭ فيليالدارىن اشۋ جوسپارلانىپ وتىر. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«بٸلٸم سالاسىن دامىتۋ مەسەلەلەرٸ ٶتە ٶزەكتٸ ەرٸ ماڭىزدى ەكەنٸن بٸلەسٸزدەر. بەسەكەگە قابٸلەتتٸ ادامي كاپيتالدى دامىتۋ - «بٸلٸم ەكونوميكاسىنا» كٶشۋدٸڭ نەگٸزگٸ فاكتورى. سوندىقتان قوعامدا بٸلٸم بەرۋگە ەرقاشان ەرەكشە تالاپتار قويىلىپ, ٷلكەن نازار اۋدارىلادى. وسىعان وراي, «Nur Otan « پارتيياسىنىڭ باعدارلاماسىن ٸسكە اسىرۋ اياسىندا بٸلٸم بەرۋدٸڭ مازمۇنىن جاڭارتۋ, ونىڭ جاڭا ينفراقۇرىلىمىن قۇرۋ, پەداگوگتار مەن وقۋشىلاردى ەلەۋمەتتٸك قولداۋ بويىنشا ناقتى شارالار ەزٸرلەندٸ», - دەدٸ ٷكٸمەت باسشىسى.
ونىڭ اتاپ ٶتۋٸنشە, 2024 جىلعا قاراي پەداگوگتاردىڭ جالاقىسى مەن ستۋدەنتتەردٸڭ شەكٸرتاقىسى 2 ەسە ٶسەدٸ. 800 جاڭا مەكتەپ سالىنىپ, 5000 اۋىل مەكتەبٸ جاڭارتىلادى. كوللەدجدەردە 9 سىنىپتىڭ نەگٸزٸندە بٸلٸم بەرۋ تولىعىمەن تەگٸن بولادى. 10 كوللەدج بيزنەسكە سەنٸمگەرلٸك باسقارۋعا بەرٸلدٸ.
«بۇل تەجٸريبەنٸ ودان ەرٸ جالعاستىرۋ قاجەت. ۋنيۆەرسيتەتتەردٸڭ بٸلٸم بەرۋ باعدارلامالارى كەسٸبي ستاندارتتاردىڭ نەگٸزٸندە 100 پايىز جاڭارتىلادى. بۇل تٷلەكتەردٸڭ جۇمىسقا ورنالاسۋ مٷمكٸندٸگٸن ارتتىرادى. دارىندى جاستاردىڭ ەلدەن كەتۋٸن ازايتۋ ماقساتىندا شەتەل ۋنيۆەرسيتەتتەرٸنٸڭ فيليالدارىن اشۋ جوسپارلانىپ وتىر. 20 وتاندىق جەتەكشٸ جوعارى وقۋ ورنى ٶڭٸرلەردٸڭ ٶسۋ نىساناسى بولادى. نازارباەۆ ۋنيۆەرسيتەتٸنٸڭ تەجٸريبەسٸ بويىنشا يننوۆاتسييالار مەن جاڭا تەحنولوگييالاردى دامىتۋمەن اينالىساتىن ەكٸ وزىق جوعارى وقۋ ورنى قۇرىلادى», - دەدٸ اسقار مامين.
