قازاقستاندا سەبٸز تاپشىلىعى بولۋى مٷمكٸن. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى "ۇلت اقپارات".
«سەبٸز بويىنشا كارتوپتان دا قيىن جاعداي قالىپتاستى. قازٸرگٸ ۋاقىتتا وتاندىق ٶنٸم قورى جىل باسىمەن سالىستىرعاندا 5 ەسە تٶمەندەدٸ. بۇل رەتتە جىل سايىن قازاقستاندا سەبٸز ٶندٸرٸسٸنٸڭ جەتٸسپەۋشٸلٸگٸ بايقالادى, بۇل - قاجەتتٸلٸكتٸڭ 5-6 پايىزى», - دەدٸ ساۋدا مينيسترٸ بٷگٸنگٸ ٷكٸمەت وتىرىسىندا.
ونىڭ ايتۋىنشا, نەگٸزگٸ تاپشىلىق سەۋٸردەن شٸلدەگە دەيٸنگٸ كەزەڭگە كەلەدٸ, ونى قازاقستان ٶزبەكستاننان قىمبات يمپورت ەسەبٸنەن تولتىرۋعا مەجبٷر.
«بۇل رەتتە ٶزبەكستاندا دا سەبٸز باعاسى جىل باسىنان بەرٸ 55%-تەن استام ٶستٸ. سەبٸز بويىنشا ٶڭٸرلەر دە قورلاردىڭ جەتكٸلٸكتٸ كٶلەمٸن قالىپتاستىرعان جوق – تۇراقتاندىرۋ قورلارىندا بار بولعانى 258 توننا ساقتالۋدا. سەبٸز بويىنشا فورۆاردتىق ساتىپ الۋ قازٸرگٸ ۋاقىتتا بٷكٸل ەل بويىنشا 5,7 مىڭ توننانى قۇرايدى, ونىڭ 73%-تٸ تەك الماتى قالاسىنا تيەسٸلٸ», - دەيدٸ باقىت سۇلتانوۆ.
