Qazaqstanda sábiz tapshylyǵy bolýy múmkin. Bul týraly QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Sábiz boiynsha kartoptan da qiyn jaǵdai qalyptasty. Qazirgi ýaqytta otandyq ónim qory jyl basymen salystyrǵanda 5 ese tómendedi. Bul rette jyl saiyn Qazaqstanda sábiz óndirisiniń jetispeýshiligi baiqalady, bul - qajettiliktiń 5-6 paiyzy», - dedi Saýda ministri búgingi Úkimet otyrysynda.
Onyń aitýynsha, negizgi tapshylyq sáýirden shildege deiingi kezeńge keledi, ony Qazaqstan Ózbekstannan qymbat import esebinen toltyrýǵa májbúr.
«Bul rette Ózbekstanda da sábiz baǵasy jyl basynan beri 55%-ten astam ósti. Sábiz boiynsha óńirler de qorlardyń jetkilikti kólemin qalyptastyrǵan joq – turaqtandyrý qorlarynda bar bolǵany 258 tonna saqtalýda. Sábiz boiynsha forvardtyq satyp alý qazirgi ýaqytta búkil el boiynsha 5,7 myń tonnany quraidy, onyń 73%-ti tek Almaty qalasyna tiesili», - deidi Baqyt Sultanov.
