1 سەۋٸردەگٸ جاعداي بويىنشا 14 794 شەتەلدٸك ازامات جەرگٸلٸكتٸ اتقارۋشى ورگانداردىڭ رۇقساتىمەن قازاقستان رەسپۋبليكاسىنىڭ اۋماعىندا ەڭبەك ەتٸپ جٷر, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە سٸلتەمە جاساپ.
شەتەلدٸك جۇمىس كٷشٸن تارتۋعا بەرٸلگەن رۇقساتتاردىڭ ٸشٸندە مىناداي ساناتتار بار: بٸرٸنشٸ سانات – 648 (باسشىلار جەنە ولاردىڭ ورىنباسارلارى), ەكٸنشٸ سانات – 3 240 (قۇرىلىمدىق بٶلٸمشەلەردٸڭ باسشىلارى). شەتەلدٸك جۇمىس كٷشٸنٸڭ نەگٸزگٸ بٶلٸگٸ ٷشٸنشٸ (ماماندار) جەنە تٶرتٸنشٸ (بٸلٸكتٸ جۇمىسشىلار) ساناتتارعا جاتادى – تيٸسٸنشە 7 397 ادام جەنە 491 ادام. سونداي-اق ماۋسىمدىق جۇمىستارعا – 1 329 ادام, ال كورپوراتيۆتٸك اۋىستىرۋ شەڭبەرٸندە – 1 689 ادام تارتىلعان.
قازٸرگٸ ۋاقىتتا قازاقستاندا شەتەلدٸك جۇمىس كٷشٸن پايدالاناتىن 1 641 جۇمىس بەرۋشٸ بار. ولاردا شامامەن 489 مىڭ قازاقستان ازاماتى جۇمىس ٸستەيدٸ, بۇل جالپى جۇمىسشى سانىنىڭ 97%-ى.
ەڭبەكشٸ ميگرانتتار شىعاتىن نەگٸزگٸ ەلدەر كەلەسٸ: قىتاي – 3 617 ادام, تٷركييا – 1 490 ادام, ٷندٸستان – 1 098 ادام, ۇلىبريتانييا – 947 ادام, ٶزبەكستان – 1 369 ادام.
ەستەرٸڭٸزگە سالا كەتەيٸك, ٸشكٸ ەڭبەك نارىعىن قورعاۋ ماقساتىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جىل سايىن ەلٸمٸزگە شەتەلدٸك مامانداردى تارتۋعا ارنالعان كۆوتا بەلگٸلەيدٸ. 2021 جىلى كۆوتا مٶلشەرٸ جۇمىس كٷشٸنە شاققاندا 0,31%-دى نەمەسە 29,3 مىڭ بٸرلٸك.
