قر دەنساۋلىق ساقتاۋ مينيسترٸ الەكسەي تسوي رەسەيلٸك «سپۋتنيك V» ۆاكتسيناسىن ٶندٸرۋگە قانشا قاراجات بٶلٸنگەنٸ تۋرالى سۇراققا جاۋاپ بەردٸ, دەپ حابارلايدى "ۇلت اقپارات".
«قاراعاندىدا ۆاكتسينا ٶندٸرۋگە 15 ميلليارد 175 ميلليون تەڭگە بٶلٸندٸ. جالپى رەسەيلٸك ۆاكتسيناعا 18 ميلليارد تەڭگە بٶلۋ جوسپارلانعان», - دەپ جاۋاپ بەردٸ مينيستر ورتالىق كوممۋنيكاتسييالار قىزمەتٸندەگٸ بريفينگتە تٸلشٸ سۇراعىنا.
ۆاكتسينانىڭ بٸرٸنشٸ پارتيياسى قازاقستانعا ەكٸ دوزا ٷشٸن 26 دوللار باعاسىمەن جەتكٸزٸلگەن.
«بٸز رەسەي اۋماعىنان تىس جالعىز ەكسكليۋزيۆتٸ جەتكٸزۋشٸدەن – تٸكەلەي ينۆەستيتسييالار قورىنان رەسمي حات الدىق, وندا باعانى تٶمەندەتۋ مەسەلەسٸ قايتا قارالۋى مٷمكٸن ەكەنٸ جازىلعان. بەرٸ ٶنٸمنٸڭ جاپپاي شىعارىلۋىنا بايلانىستى, قازٸرگٸ ۋاقىتتا ول 26 دوللار تۇرادى», - دەدٸ الەكسەي تسوي.
