قازاقستاندا پلاستيك بٶتەلكەلەر مەن پلاستيك ورامالاردى قايتا ٶڭدەۋ جولعا قويىلىپ كەلەدٸ. بۇل تۋرالى «تۇراقتى دامۋعا جەردەمدەسۋ» ورتالىعىنىڭ جوبالار جٶنٸندەگٸ مەنەدجەرٸ يۋلييا دۋشكينا ايتتى, دەپ حابارلايدى "ۇلت اقپارات".
«تٷرلٸ پلاستيك ٶنٸمدەر ٶندٸرٸسٸنٸڭ كٶلەمٸ ارتىپ كەلەدٸ. UNEP مەلٸمەتتەرٸنە سەيكەس, 500 ملرد توننا پلاستيك پاكەتتەر قوقىسقا تاستالادى جەنە مينۋت سايىن 1 ملن پلاستيك بٶتەلكە ساتىپ الىنادى ەكەن. ٶكٸنٸشكە وراي, وسىناۋ ٶنٸمنٸڭ ايتارلىقتاي بٶلٸگٸ بٸرٸنشٸ رەت پايدالانىلعاننان كەيٸن قوقىسقا كەتەدٸ. الايدا, پلاستيك ٶتە قۇندى ەرٸ قايتالاما شيكٸزات سانالادى. سوندىقتان قايتادان شيكٸزات, جاڭا ٶنٸم الۋ ٷشٸن, قورشاعان ورتاعا زييان كٶلەمٸن تٶمەندەتۋ ٷشٸن ونى كەدەگە جاراتۋىمىز قاجەت», - دەدٸ ول پلاستيك قالدىقتارىن جيناۋ جەنە قايتا ٶڭدەۋ تاقىرىبىنا ارنالعان دٶڭگەلەك ٷستەل وتىرىسى بارىسىندا.
ونىڭ دەرەگٸنشە, ەلٸمٸزدە دە پلاستيك قالدىقتار ٶتە كٶپ. مەسەلەن, تەك 2018 جىلدىڭ ٶزٸندە عانا شامامەن 480 مىڭ توننا پلاستيك قالدىقتارى جينالعان. ال «وپەراتور روپ» جشس مەلٸمەتتەرٸنە سەيكەس, 2016 جىلى ەلٸمٸزدە جينالعان پلاستيك قالدىقتاردىڭ سالماعى 283 مىڭ توننانى قۇراعان.
«بۇل رەتتە 2017 جىلى ەلٸمٸزدە جينالعان پلاستيك قالدىقتاردىڭ شامامەن 6 تونناسى نەمەسە جالپى كٶلەمنٸڭ 2 پايىزى عانا ٶڭدەلگەن. ال 2018 جىلى قايتا ٶڭدەلگەن پلاستيك كٶلەمٸ 9 مىڭ توننانى نەمەسە 3 پايىزدى قۇرادى. بۇل تٶمەن كٶرسەتكٸش جەنە پلاستيك پەن پلاستيك قاپتامالاردى شىعارۋشىلاردان باستاپ بارلىق تاراپ ونى قايتا كەدەگە جاراتۋعا مٷددەلٸ بولۋى تيٸس», - دەدٸ يۋ.دۋشكينا.
ايتا كەتەرلٸگٸ, 2018 جىلى قازاقستان اۋماعىندا 4,3 ملن توننا تۇرمىستىق قاتتى قالدىق جينالعان. ونىڭ 11,2 پايىزى نەمەسە 481 مىڭ توننادان استامىن پلاستيك قالدىقتار قۇرايدى.
