مىسىر ٶكٸلدەرٸ قازاقستاندا دٸني مامانداردى دايارلاۋ جەنە يمامداردى بٸلٸكتٸلٸگٸن ارتتىرۋعا قولداۋ كٶرسەتۋگە دايىن. بۇل تۋرالى ٶزٸنٸڭ Facebook پاراقشاسىندا قر پارلامەنتٸ سەناتىنىڭ تٶراعاسى مەۋلەن ەشٸمباەۆ جازدى, دەپ حابارلايدى قازاقپارات.
سەنات تٶراعاسى جازباسىندا مىسىر ەلٸنە ساپارى بارىسى تۋرالى باياندايدى.
«تاياۋدا پرەزيدەنتٸمٸزدٸڭ تاپسىرماسىمەن مىسىر ەلٸنە رەسمي ساپارمەن باردىق.
قازاقستان ٷشٸن مىسىر اراب جەنە يسلام ەلەمٸندەگٸ ماڭىزدى سەرٸكتەس مەملەكەتتەردٸڭ بٸرٸ. ەكٸ ەلدٸ بايلانىستىراتىن ورتاق قۇندىلىقتار از ەمەس. سونىڭ ٸشٸندەگٸ ەڭ ماڭىزدىسى يسلام دٸنٸ ەكەنٸ سٶزسٸز.
يسلام اتا-بابامىزدىڭ دٸنٸ. كەڭەس زامانىندا بۇل باعىتتا تٷرلٸ قيىندىقتار مەن كەدەرگٸلەر بولعانى بەلگٸلٸ. تەك تەۋەلسٸزدٸك العاننان كەيٸن عانا اسىل دٸنٸمٸزدٸ كەڭٸنەن دەرٸپتەۋگە جول اشىلدى. وسى رەتتە بٸزدەر ٷشٸن يسلامتانۋشى ماماندار دايارلاۋ ٸسٸندە مىسىر ەلٸنٸڭ, ونىڭ ٸشٸندە ەلەمگە ەيگٸلٸ ەل-ازحار ۋنيۆەرسيتەتٸنٸڭ كٶمەگٸ ەرەكشە بولدى. مىسىردىڭ قولداۋىمەن ەلٸمٸزدە «نۇر-مٷبەراك» ەگيپەت يسلام ۋنيۆەرسيتەتٸ اشىلدى.
قازٸرگٸ تاڭدا ەل-ازحار ۋنيۆەرسيتەتٸ يسلامنىڭ سۋننيتتٸك باعىتىن ناسيحاتتايتىن جەنە كەسٸبي دٸن ماماندارىن دايارلايتىن دٷنيە جٷزٸندەگٸ ەڭ ٸرٸ وقۋ ورنى. ح عاسىردا نەگٸزٸ قالانعان بٸلٸم ورداسى بٷگٸندە بٷكٸل يسلام ەلەمٸ ٷشٸن اعارتۋشى, عىلىمي جەنە رۋحاني ورتالىق رەتٸندە اسا ماڭىزدى.
يسلام – ەجەلدەن بەيبٸتشٸلٸك پەن كەلٸسٸمدٸ دەرٸپتەيتٸن دٸن. وسى رەتتە ەل-ازحاردىڭ دٸني ەكسترەميزممەن كٷرەس جۇمىستارى دا ايرىقشا مەنگە يە ەكەنٸ بەلگٸلٸ. «قاڭتار وقيعاسىنان» كەيٸن ەلٸمٸزدە اتالعان مەسەلەنٸڭ ٶزەكتٸلٸگٸ ارتا تٷستٸ. سوندىقتان بۇل سالادا وسى ورتالىقتىڭ تەجٸريبەسٸنە سٷيەنۋٸمٸز قاجەت. ەل-ازحاردىڭ باس يمامى, شەيح احمەد ات-تايەبپەن كەزدەسۋدە وسى مەسەلەگە ارنايى توقتالدىق»,-دەيدٸ مەۋلەن ەشٸمباەۆ.
سونداي-اق ول سٶزٸندە شەيح مامان دايارلاۋدا, يمامداردىڭ بٸلٸكتٸلٸگٸن ارتتىرۋدا قازاقستانعا قولداۋ كٶرسەتۋدٸ ودان ەرٸ ارتتىراتىنىن جەنە ەكسترەميزم يدەولوگيياسىمەن كٷرەستە بٸزدٸڭ ەلگە جٷيەلٸ تٷردە كٶمەكتەسەتٸنٸن جەتكٸزگەنٸن ايتادى. الداعى ۋاقىتتا بۇل باعىتتا بٸرلەسٸپ, نەتيجەلٸ جۇمىس ٸستەيمٸز دەپ سەنەمٸز.
شەيح احمەد ات-تايەب قازاقستاننىڭ ەلەمدٸك جەنە دەستٷرلٸ دٸندەر ليدەرلەرٸنٸڭ سەزٸن ٶتكٸزۋ باستاماسىنا قولداۋ بٸلدٸرٸپ, ونىڭ قازٸرگٸدەي گەوساياسي جەنە دٸني كٶزقاراستار شيەلەنٸسكەن كٷردەلٸ كەزەڭدە اسا ماڭىزدى رٶل اتقاراتىنىن ايتتى. كەزدەسۋدە شەيحكە پرەزيدەنتٸمٸزدٸڭ سەزگە شاقىرۋ حاتىن رەسمي تٷردە تاپسىردىم.
سونىمەن قاتار ەل-ازحار ۋنيۆەرسيتەتٸندە وقىپ جٷرگەن قازاقستاندىق ستۋدەنتتەرمەن دە ارنايى كەزدەستٸم.
يسلامنان بٶلەك, قازاقستان مەن مىسىردى بايلانىستىراتىن تاريحي تۇلعالار بار. سولاردىڭ ٸشٸندە سۇلتان بەيبارىستىڭ ەسٸمٸ ەرەكشە اتالادى. زامانىندا مىسىردىڭ سۇلتانى بولعان بەيبارىس بابامىز سول ٶڭٸردٸڭ ٶسٸپ-ٶركەندەۋٸنە ٷلكەن ەڭبەك سٸڭٸردٸ.
بٷگٸندە كاير قالاسىندا بەيبارىس سۇلتان سالدىرعان مەشٸت بار. ساپار اياسىندا رۋحاني ورتالىقتى زييارات ەتٸپ, بابامىزدىڭ رۋحىنا قۇران باعىشتادىق. بۇل مەشٸت وسى ەلدەگٸ ەڭ كٶرنەكتٸ ەرٸ تاريحي جەدٸگەرلەردٸڭ بٸرٸ. قازاقستان 2007 جىلى مىسىرمەن مەشٸتتٸ قالپىنا كەلتٸرۋ بويىنشا ٷكٸمەتارالىق كەلٸسٸمگە قول قويدى. سوعان سەيكەس ەكٸ مەملەكەت تە قارجى بٶلٸپ, تيٸستٸ جۇمىستار قولعا الىنعان ەدٸ. دەگەنمەن, تٷرلٸ جاعدايلارعا بايلانىستى جۇمىس بٸراز تۇرالاپ قالدى.
مىسىردىڭ ۋاقىفتار مينيسترٸ مۇحاممەد مۇحتار جۇمامەن كەزدەسۋدە وسى جاعدايعا نازار اۋدارىپ, قايتا قالپىنا كەلتٸرۋ جۇمىستارىنا باسىمدىق بەرۋ مەسەلەسٸن قوزعادىق. كەزدەسۋدە مينيستر مىسىر تاراپى بۇل جۇمىسقا قوسىمشا 2 ميلليون اقش دوللارىن بٶلەتٸنٸن ايتتى جەنە جوبانىڭ اياقتالۋىن ٶز باقىلاۋىندا ۇستايتىنىن جەتكٸزدٸ. كەلەسٸ جىلى بەيبارىس سۇلتاننىڭ تۋعانىنا 800 جىل تولاتىنىن ەسكەرسەك, بۇل قۋانىشتى جاڭالىق ەكەنٸ سٶزسٸز.
مىسىر پارلامەنتٸ سەناتىنىڭ تٶراعاسى ەبدەل ۋاحاب ەبدەل رازەكپەن كەزدەسۋٸمٸزدە ەكٸ ەلدٸڭ ساۋدا-ەكونوميكالىق, تۋريزم, مەدەني-گۋمانيتارلىق بايلانىستارىن ارتتىرۋ جەنە پارلامەنتارالىق ىنتىماقتاستىقتى نىعايتۋ مەسەلەلەرٸنە توقتالدىق. وسى ەلدٸڭ باس مٷفتيٸ ەبدەل كەرٸم اللاممەن كەزدەسۋدە دە رۋحاني جەنە دٸني باعىتتاعى قاتىناستارعا نازار اۋداردىق.
«الداعى ۋاقىتتا بۇل ساپار ەكٸ ەلدٸڭ ىنتىماقتاستىعىن ارتتىرۋعا, پارلامەنتارالىق قارىم-قاتىناستى كٷشەيتۋگە جەنە دٸنارالىق ديالوگ پەن دٸني ەكسترەميزممەن كٷرەس سالاسىندا بٸرلەسٸپ ەرەكەت ەتۋگە ٶز سەپتٸگٸن تيگٸزەدٸ دەپ سەنەمٸز. ول ٷشٸن پارلامەنت سەناتى ەلٸمٸزدٸڭ سىرتقى ٸستەر مينيسترلٸگٸمەن جەنە قازاقستاننىڭ مىسىرداعى ەلشٸلٸگٸمەن بٸرلەسە وتىرىپ, قاجەتتٸ جۇمىستاردى ەرٸ قاراي جالعاستىرا بەرەدٸ»,-دەدٸ سەنات تٶراعاسى.
