4 مامىردا قازاقستاندا 2298 ادامنىڭ اناليزٸنەن كوروناۆيرۋس انىقتالدى. بۇل تۋرالى 5 مامىردا تاڭەرتەڭ دەنساۋلىق ساقتاۋ مينيسترلٸگٸ حابارلادى. ۆەدومستۆو كوروناۆيرۋس پنەۆمونيياسى مەن ادام ٶلٸمٸ بويىنشا ەكٸ كٷن بۇرىنعى دەرەكتٸ جارييالاپ كەلەدٸ. دٷيسەنبٸ كٷنٸ 29 ادامنان كوروناۆيرۋس پنەۆمونيياسى انىقتالعان. 39 ادام ٶلٸمٸ تٸركەلگەن: 34 ادام – كوروناۆيرۋستان, 5 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
سەيسەنبٸ كٷنٸ الماتىدا 645 ناۋقاس تٸركەلگەن. بۇل رەسپۋبليكا بويىنشا بٸر كٷن ٸشٸندە تٸركەلگەن ەڭ جوعارى كٶرسەتكٸش. نۇر-سۇلتاندا – 285, شىعىس قازاقستان وبلىسىندا – 87, قاراعاندى وبلىسىندا – 239, اتىراۋ وبلىسىندا – 85, الماتى وبلىسىندا – 189, باتىس قازاقستان وبلىسىندا – 129, اقمولا وبلىسىندا – 135, قوستاناي وبلىسىندا - 26, سولتٷستٸك قازاقستان وبلىسىندا – 13, شىمكەنت قالاسىندا – 80, اقتٶبە وبلىسىندا – 71, جامبىل وبلىسىندا – 65, ماڭعىستاۋ وبلىسىندا – 42, قىزىلوردا وبلىسىندا – 69, تٷركٸستان وبلىسىندا 22 ناۋقاس تٸركەلگەن.
رەسمي دەرەك بويىنشا, بىلتىر ناۋرىزدان بەرٸ قازاقستاندا 332 369 ادامنان كوروناۆيرۋس تابىلىپ, 3796 ادام قايتىس بولعان. بٸراق بۇل ستاتيستيكاعا "كوروناۆيرۋستان ەمەس, باسقا اۋرۋدان قايتىس بولدى" دەلٸنگەن مىڭنان استام ادام ٶلٸمٸ ەنگٸزٸلمەگەن.
مينيسترلٸك كوروناۆيرۋس تەستٸ تەرٸس, بٸراق بەلگٸلەرٸ Covid دەرتٸنە ۇقساس "پنەۆمونييا" ستاتيستيكاسىن 2020 جىلدىڭ 1 تامىزىنان بەرٸ جٷرگٸزٸپ كەلەدٸ. وسى ۋاقىتتان بەرٸ ەلدە 53 122 ادام "كوروناۆيرۋس پنەۆمونيياسىنا" شالدىعىپ, 817 ادام قايتىس بولعان.
قازاقستان بيلٸگٸ كوروناۆيرۋس پەن كوروناۆيرۋس پنەۆمونيياسى دەرەگٸن بٶلەك جارييالاپ جٷرگەنمەن حالىقارالىق ۇيىمدار ەكەۋٸن بٸرٸكتٸرٸپ ەسەپتەيدٸ.
قازٸر 44 572 ادام كوروناۆيرۋستان ەمدەلٸپ جاتىر. 44 مىڭنان استامىنىڭ كوروناۆيرۋس تەستٸ وڭ شىققان. 784 ادامنىڭ حالٸ اۋىر, 196 ناۋقاستىڭ جاعدايى تىم مٷشكٸل. 117 ادام جاساندى تىنىس الۋ اپپاراتىنا قوسىلعان.
سوڭعى مەلٸمەت بويىنشا, 1 ملن 486 مىڭ ادام ەكپەنٸڭ بٸر دوزاسىن بولسا دا العان. قازٸر حالىققا رەسەيلٸك "سپۋتنيك V", QazVac جەنە باە ەلٸندە جاسالعان قىتايدىڭ Sinopharm كومپانيياسىنىڭ ەكپەسٸ سالىنىپ جاتىر.
