قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ قازاقستانداعى زەينەتاقىنىڭ ورتاشا مٶلشەرٸن اتادى, - دەپ حابارلايدى "ۇلت اقپارات".
ۆەدومستۆو مەلٸمەتٸنشە, 8 ايدا قازاقستاندىقتارعا 1,9 تريلليون تەڭگەدەن اسا زەينەتاقى تٶلەنگەن. تامىزدا رەسپۋبليكالىق بيۋدجەتتەن زەينەتاقى تٶلەمدەرٸنە - 244,1 ملرد تەڭگە, ونىڭ ٸشٸندە بازالىق زەينەتاقىنى تٶلەۋگە – 74,2 ملرد تەڭگە, ىنتىماقتى زەينەتاقىنى تٶلەۋگە 169,9 ملرد تەڭگە بٶلٸنگەن.
1 قىركٷيەكتەگٸ جاعداي بويىنشا ەلدەگٸ زەينەتكەرسانى – 2 ملن 253 مىڭ ادام. سونداي-اق, 1 قىركٷيەكتەگٸ جاعداي بويىنشا زەينەتاقى تٶلەمدەرٸنٸڭ ورتاشا مٶلشەرٸ (بازالىق زەينەتاقى تٶلەمٸن ەسكەرە وتىرىپ) 109 224 تەڭگە بولدى.
2018 جىلعى 1 شٸلدەدەن باستاپ مەملەكەتتٸك بازالىق زەينەتاقى تٶلەمٸ زەينەتاقى جٷيەسٸندەگٸ ٶتٸلٸن ەسكەرە وتىرىپ, ەر الۋشىعا جەكە تاعايىندالادى. بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جٷيەدە جۇمىس ٸستەگەن ۋاقىتى, سونداي-اق مٸندەتتٸ زەينەتاقى جارنالارى (بۇدان ەرٸ – مزج) تٶلەنگەن كەزەڭدەر زەينەتاقى جٷيەسٸندەگٸ ەڭبەك ٶتٸلٸنە قوسىلادى.
ەگەر ازاماتتىڭ زەينەتاقى جٷيەسٸندەگٸ ٶتٸلٸ 10 جىل نەمەسە ودان از بولسا, سونداي-اق ەگەر مٷلدە جوق بولسا, بازالىق زەينەتاقى ەڭ تٶمەنگٸ كٷنكٶرٸس دەڭگەيٸنٸڭ 54 %-ىن قۇرايدى, سودان كەيٸن 10 جىلدان اسقان ەر جىل ٷشٸن ونىڭ مٶلشەرٸ 2 %-عا ارتادى. مىسالى, ەگەر سٸزدٸڭ ٶتٸلٸڭٸز 20 جىل بولسا, بازالىق زەينەتاقى تٶمەنگٸ كٷنكٶرٸس دەڭگەيٸنٸڭ 74 %-ىن, ال 30 جىل بولسا, وندا 94 %-ىن قۇرايدى. ەڭبەك ٶتٸلٸ 33 جىل نەمەسە ودان كٶپ بولسا, كٷنكٶرٸس دەڭگەيٸنٸڭ ەڭ جوعارعى مٶلشەرٸندە بەلگٸلەنەدٸ.
ەگەر بٸر اي ٸشٸندە مٸندەتتٸ زەينەتاقى جارنالارى بٸرىڭعاي جيناقتاۋشى زەينەتاقى قورىنا بٸرنەشە رەت اۋدارىلسا, جيناقتاۋشى جٷيەگە قاتىسۋ مەرزٸمٸ بٸر ايدى قۇرايدى. وسىلايشا مٸندەتتٸ زەينەتاقى جارنالارى نەعۇرلىم تۇراقتى جەنە تولىق كٶلەمدە اۋدارىلاتىن بولسا, زەينەت جاسىنا جەتكەندە بازالىق زەينەتاقى تٶلەمدەرٸنٸڭ مٶلشەرٸ سوعۇرلىم كٶپ بولادى.
ٶز كەزەگٸندە ازاماتتىڭ جاسىنا بايلانىستى زەينەتاقى تٶلەمدەرٸنٸڭ مٶلشەرٸ 1998 جىلعى 1 قاڭتارداعى جۇمىس ٶتٸلٸنە (كەم دەگەندە 6 اي قاجەت) جەنە زەينەتكەرلٸككە دەيٸنگٸ كەزەڭدەگٸ ورتاشا ايلىق تابىسىنا بايلانىستى بولادى.
