دەنساۋلىق ساقتاۋ مينيسترٸ ەلجان بٸرتانوۆ ۇلتتىق عىلىمي ونكولوگييا ورتالىعى قاي جەردە سالىناتىنىن ايتىپ بەردٸ, دەپ حابارلايدى قازاقپارات.
«ۇلتتىق عىلىمي ونكولوگييا ورتالىعى جوباسىنىڭ كەشەۋٸلدەپ قالۋىنا بايلانىستى سىن دا ايتىلعان ەدٸ. ول جوبامەن نازارباەۆ ۋنيۆەرسيتەتٸ اينالىسقان. ٶتكەن جىلدان باستاپ جوبانىڭ پارامەترلەرٸن قايتا قاراپ, قازٸرگٸ ۋاقىتتا قاي جەردە سالاتىندىعىن ايقىندادىق. باسقا دا عىلىمي ورتالىقتارمەن ينتەگراتسييا بارىنشا مىعىم بولۋى ٷشٸن بٸز تۇرعىزىلاتىن جاڭا ورىندى بەلگٸلەدٸك», - دەدٸ ەلجان بٸرتانوۆ پارلامەنت سەناتىندا ٷكٸمەتتٸك ساعاتتان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
مينيستردٸڭ ايتۋىنا قاراعاندا, ورتالىق – بۇرىنعى مەديتسينالىق حولدينگتٸڭ اۋماعىندا سالىنادى. ياعني, ول – ۇلتتىق كارديوحيرۋرگييا ورتالىعى, ۇلتتىق نەيروحيرۋرگييالىق ورتالىق پەن ۇلتتىق عىلىمي ونكولوگييا جەنە ترانسپونتولوگييا ورتالىعى تۇرعان مەديتسينالىق كەشەن اۋماعىندا بوي كٶتەرەدٸ.
«ۇلتتىق عىلىمي ونكولوگييا جەنە ترانسپونتولوگييا ورتالىعى ۇلتتىق عىلىمي ونكولوگييالىق ورتالىق بولىپ ترانسفورماتسييالانعان ەدٸ. سول ورتالىقتىڭ اۋماعىندا قازٸرگٸ ۋاقىتتا مەن ايتقان نىساننىڭ قۇرىلىسى جٷرٸپ جاتىر. سونىمەن بٸرگە, ونىڭ جانىندا نازارباەۆ ۋنيۆەرسيتەتٸنٸڭ مەديتسينالىق مەكتەبٸ تۇر. ياعني, بۇل ونكوورتالىقتىڭ سالىنۋى – جەتەكشٸ تەحنولوگييالارعا قول جەتكٸزۋگە مٷمكٸندٸك بەرەدٸ», - دەدٸ ول.
ەلجان بٸرتانوۆ نىسان قۇرىلىسى بويىنشا مەردٸگەر بەكٸتٸلگەنٸن, ول مەردٸگەردٸڭ – ۇلتتىق كارديوحيرۋرگييا ورتالىعى مەن انا مەن بالا ورتالىعىن سالعان «دەلويد ينجينيرينگ» كومپانيياسى ەكەنٸن اتاپ ٶتتٸ.
«وسى ورتالىقتىڭ اياسىندا ورتالىق ازيياداعى بٸردەن-بٸر پروتوندى تەراپييا ورتالىعى اشىلادى. بۇل – شاعىن ٸسٸكتەردٸ ەمدەيتٸن جاڭاشا تەحنولوگييا. ورتالىقتىڭ ەمدەۋ كورپۋسىنىڭ قۇرىلىسىن 2020 جىلدىڭ سوڭىندا اياقتاۋدى كٶزدەپ وتىرمىز. پروتوندى تەراپييا ورتالىعى كٷردەلٸ بولعاندىقتان, ونىڭ قۇرىلىسى شامامەن 2021 جىلدىڭ ورتاسىندا اياقتالادى. جوبانىڭ جالپى قۇنى – 70 ملرد تەڭگە», - دەدٸ ول.
