«قازاقستان ونكولوگيياسى. كەشە. بٷگٸن. ەرتەڭ» اتتى حالىقارالىق عىلىمي-پراكتيكالىق كونفەرەنتسييا بارىسىندا «قازاق ونكولوگييا جەنە راديولوگييا عىلىمي-زەرتتەۋ ينستيتۋتى» اق باسقارما تٶرايىمى, قر ۇلتتىق عىلىم اكادەميياسىنىڭ اكادەميگٸ, مەديتسينا عىلىمدارىنىڭ دوكتورى ديليارا قايداروۆا ينستيتۋتتىڭ دامۋى تۋرالى ايتتى, دەپ حابارلايدى قازاقپارات.
ونىڭ سٶزٸنە قاراعاندا, 1959 جىلعا دەيٸن قازاقستاندا قاتەرلٸ ٸسٸكتٸ ەمدەيتٸن مەديتسينالىق مەكەمە بولماعان. تەك العاش رەت 1960 جىلى 5 شٸلدەدە قۇرىلعان. ونى سەكەن نۇعمانوۆ باسقاردى.
«1960 جىلى مۇندا بٸر عانا عيمارات بولدى. قازٸر ونىڭ سانى 8-گە جەتتٸ. بٷگٸنگٸ كٷنٸ بۇل عيماراتتار جاڭاشىلدىق پەن جاڭارۋدى قاجەت ەتەدٸ. الايدا بٸزدٸڭ كادرلىق قۇرام مىقتى. الدىڭعى قاتارداعىلاردىڭ بٸرٸ دەسەك تە بولادى. مۇندا وقىعان جەنە تاعىلىمدامادان ٶتكەن جاستار ەلٸمٸزدٸڭ بارلىق ايماقتارىندا جۇمىس ٸستەپ جاتىر. ولار ٶڭٸرلەردەگٸ ونكولوگييالىق قىزمەت دەڭگەيٸن كٶتەرەدٸ. بٸزدٸڭ ماماندار قازٸر امەريكا, يسپانييا, يتالييادا بٸلٸم الۋدا», - دەيدٸ ديليارا قايداروۆا.
سونىمەن قاتار, ول 2018 جىلى ەمدەۋ حاتتامالارى ٶزگەرتٸلگەنٸن اتاپ ٶتتٸ. ولار ەۋروپالىق جەنە امەريكالىق ونكولوگتار قاۋىمداستىعىمەن تولىقتاي بەيٸمدەلگەن. قازٸر پاتسيەنتتەر حالىقارالىق ستاندارتتارعا سەيكەس ەمدەلۋدە.
«بٸز 15 جاڭا دەرٸنٸ يممۋنوتەراپيياعا ەنگٸزدٸك. ەر پرەپاراتتىڭ باعاسى 500 مىڭنان 3 ميلليون تەڭگەگە دەيٸن. بۇل, ەرينە, مەملەكەت ٷشٸن ٷلكەن سالماق. بٸراق مەملەكەت ەمدەۋدٸڭ بۇل تٷرٸن تولىقتاي قامتيدى, بٸزدٸڭ پاتسيەنتتەردٸڭ ٶمٸرٸ ۇزارادى جەنە كٶپ ناۋقاس اۋرۋىنان ايىعادى», - دەپ قوستى قايداروۆا.
ونىڭ ايتۋىنشا, ونكولوگييا - كٷردەلٸ سالا. ەربٸر ونكولوگتىڭ دەڭگەيٸ جىل سايىن جوعارىلايدى. ونكولوگ بولۋ ٷشٸن شامامەن 10 جىل قاجەت. سونداي-اق, قازٸر اعىلشىن تٸلٸن بٸلۋگە مٸندەتتٸ.
«بٸز 2018 جىلى جاڭا دەرٸ-دەرمەكتەر مەن جابدىقتارعا مەملەكەتتٸك بيۋدجەتتەن قوسىمشا قارجى الۋ ٷشٸن قاتەرلٸ ٸسٸكپەن كٷرەسۋدٸڭ كەشەندٸ جوسپارىن قورعادىق. ماڭعىستاۋ وبلىسىندا, پاۆلوداردا جاڭا ونكولوگييالىق ديسپانسەر اشىلدى, ٶسكەمەندە اشۋ جوسپاردا. ەلٸمٸزدٸڭ بارلىق وبلىس ورتالىقتارىندا بٸرتٸندەپ اشىپ جاتىرمىز. سونىمەن قاتار كادرلار دايىندايمىز», – دەپ قورتىندىلادى سپيكەر.
