ۇلتتىق بانك تٶراعاسىنىڭ ورىنباسارى مەدينا ەبٸلقاسىموۆانىڭ ايتۋىنشا, تەڭگەمەن بەرٸلەتٸن بيزنەسكە ارنالعان نەسيەلەر بويىنشا سىياقى مٶلشەرلەمەسٸ 0,5 پايىزعا تٶمەندەگەن, دەپ حابارلايدى قازاقپارات.
«ۇلتتىق بانك قىزمەتٸنٸڭ باسىم باعىتى – ەكونوميكانى نەسيەلەۋ دەڭگەيٸن ٶسٸرۋ. بانكتەردٸڭ نەسيە بەلسەندٸلٸگٸ بٸرتٸندەپ قالپىنا كەلە باستادى. بيىل سەۋٸر-قىركٷيەك ارالىعىندا بانك سەكتورىنىڭ كرەديتتٸك پورتفەلٸ 7,4 پايىزعا نەمەسە 921,8 ملرد تەڭگەگە ٶسٸپ, جالپى 13,4 ترلن تەڭگەگە دەيٸن ٶستٸ. زاڭدى تۇلعالارعا كرەديت كٶلەمٸ وسى جىلدىڭ ٸ توقسانىندا بيزنەستٸڭ جۇمىس ٸستەمەيتٸن نەسيەلەرٸن ەسەپتەن شىعارۋىنا بايلانىستى 8,1 پايىزعا ازايىپ, 7,2 ترلن تەڭگە كٶلەمٸندە قالدى», - دەدٸ مەدينا ەبٸلقاسىموۆا پارلامەنت سەناتىنىڭ قارجى جەنە بيۋدجەت كوميتەتٸنٸڭ وتىرىسىنداعى «2020-2022 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمىندا.
ۇلتتىق بانك تٶراعاسى ورىنباسارىنىڭ ايتۋىنشا, قازاقستاندا نەسيە بەرۋ شارتتارى جاقسارعان. تەڭگەمەن بەرٸلەتٸن بيزنەسكە ارنالعان نەسيەلەر بويىنشا سىياقى مٶلشەرلەمەسٸ ٶتكەن جىلدىڭ قىركٷيەگٸندەگٸ 12,2 پايىزدان بٷگٸندە 11,7 پايىزعا تٶمەندەگەن.
«قازٸر بانك جٷيەسٸندە كەشەندٸ تٷردە بانك اكتيۆتەرٸنٸڭ ساپاسىن تەۋەلسٸز باعالاۋ جۇمىسى جالعاسىپ كەلەدٸ. اكتيۆتەردٸڭ ساپاسىن باعالاۋدى وسى جىلدىڭ جەلتوقسانىندا اياقتاۋ جوسپارلانىپ وتىر. 2020 جىلدىڭ اقپانىندا بانكتەرمەن تٷزەتۋ ٸس-قيمىلدارىنىڭ جەكە جوسپارلارىن تالقىلاپ, بەكٸتەمٸز. ٶتكٸزٸلەتٸن ٸس-شارالاردىڭ نەتيجەسٸندە بانك جٷيەسٸنٸڭ اشىقتىعىن ارتتىرىپ, نىعايتۋ كٶزدەلگەن. بۇل قادام بانكتەردٸڭ ەكونوميكانى نەسيەلەۋ كٶلەمٸن ارتتىرۋعا مٷمكٸندٸك بەرەدٸ», - دەدٸ ول.
مەدينا ەبٸلقاسىموۆا ەكونوميكانى نەسيەلەۋ ٷشٸن بانكتەردٸ ۇزاق مەرزٸمدٸ تەڭگەمەن قورلاندىرۋ ٷشٸن 600 ملرد تەڭگەگە «جەڭٸلدٸكتٸ نەسيەلەۋ باعدارلاماسى» ٸسكە اسىرىلعانىن اتاپ ٶتتٸ. ونىڭ ايتۋىنشا, بيىل 18 قازانعا دەيٸن بانكتەردە 263,8 ملرد تەڭگە سوماعا 368 جوبا قارالىپ جاتىر. قازٸرگە دەيٸن 46,6 ملرد تەڭگەنٸڭ 127 نەسيەسٸ بەرٸلٸپ قويعان.
