23 جەلتوقساندا قازاقستاندا تۇڭعىش رەت مۇناي-گاز كەن ورىندارىندا بارلاۋ مەن ٶندٸرۋ قۇقىعىنا ارنالعان ونلاين اۋكتسيوندار ٶتەدٸ, دەپ حابارلايدى "ۇلت اقپارات".
قر ەنەرگەتيكا مينيسترلٸگٸنٸڭ مەلٸمەتٸنشە, كەز كەلگەن ادام اۋكتسيوننىڭ بارىسىن باقىلاي الادى. ول ٷشٸن جەكە ونلاين اۋكتسيون زالى قۇرىلعان.
«ونلاين اۋكتسيوندار سەرۆيسٸ 2020 جىلعى 1 قىركٷيەكتە www.gosreestr.kz مەملەكەتتٸك مٷلٸك تٸزٸلٸمٸ پورتالىندا ٸسكە قوسىلدى. ونىڭ كٶمەگٸمەن قر ەنەرگەتيكا مينيسترلٸگٸ ينۆەستورلارعا جەر قويناۋىن پايدالانۋ قۇقىعىن بەرۋگە نيەتتٸ. بٷگٸندە 82 ۋچاسكە تۋرالى اقپاراتتى قامتيتىن ينتەراكتيۆتٸ كارتا بارلىعىنا قولجەتٸمدٸ. نىسانداردىڭ ەرقايسىسى بويىنشا اۋكتسيونعا باستاماشىلىق جاساۋ ٷشٸن ەلەۋەتتٸ ينۆەستوردىڭ ٶتٸنٸمدٸ ونلاين بەرگەنٸ جەتكٸلٸكتٸ. سودان كەيٸن كەن ورنىن بارلاۋ جەنە/نەمەسە يگەرۋ قۇقىعىن اۋكتسيونعا شىعارۋ پروتسەسٸ باستالادى», - دەپ اتاپ ٶتەدٸ مينيسترلٸكتەن.
ۆەدومستۆو اقپاراتىنا سەيكەس, اۋكتسيونعا بارلىعى 10 ۋچاسكە قويىلدى. بٸراق 23 جەلتوقساندا تەك 7 ۋچاسكە بويىنشا اۋكتسيون ٶتكٸزٸلەدٸ. قالعان ٷشەۋٸ اۋكتسيونعا قاتىسۋشىلاردىڭ از بولۋىنا بايلانىستى ٶتكٸزٸلمەيدٸ.
«جاڭا تەتٸك نارىقتىڭ اشىقتىعىن قامتاماسىز ەتٸپ, بيۋروكراتييانى ازايتادى جەنە بيزنەس ٷشٸن دە, مەملەكەت ٷشٸن دە شىعىنداردى ايتارلىقتاي ازايتادى. اقپاراتتىق جٷيە مەملەكەتتٸك دەرەكتەر بازاسىمەن ينتەگراتسييالاۋ ەسەبٸنەن الدىن الا باعالاۋ جٷرگٸزٸپ, قاجەت بولعان جاعدايدا قاتىسۋشىلاردىڭ ٶتٸنٸمدەر جٸبەرۋٸنە شەكتەۋ قويادى», - دەدٸ ۆەدومستۆودان.
