23 jeltoqsanda Qazaqstanda tuńǵysh ret munai-gaz ken oryndarynda barlaý men óndirý quqyǵyna arnalǵan onlain aýktsiondar ótedi, dep habarlaidy "Ult aqparat".
QR Energetika ministrliginiń málimetinshe, kez kelgen adam aýktsionnyń barysyn baqylai alady. Ol úshin jeke onlain aýktsion zaly qurylǵan.
«Onlain aýktsiondar servisi 2020 jylǵy 1 qyrkúiekte www.gosreestr.kz memlekettik múlik tizilimi portalynda iske qosyldy. Onyń kómegimen QR Energetika ministrligi investorlarǵa jer qoinaýyn paidalaný quqyǵyn berýge nietti. Búginde 82 ýchaske týraly aqparatty qamtityn interaktivti karta barlyǵyna qoljetimdi. Nysandardyń árqaisysy boiynsha aýktsionǵa bastamashylyq jasaý úshin áleýetti investordyń ótinimdi onlain bergeni jetkilikti. Sodan keiin ken ornyn barlaý jáne/nemese igerý quqyǵyn aýktsionǵa shyǵarý protsesi bastalady», - dep atap ótedi ministrlikten.
Vedomstvo aqparatyna sáikes, aýktsionǵa barlyǵy 10 ýchaske qoiyldy. Biraq 23 jeltoqsanda tek 7 ýchaske boiynsha aýktsion ótkiziledi. Qalǵan úsheýi aýktsionǵa qatysýshylardyń az bolýyna bailanysty ótkizilmeidi.
«Jańa tetik naryqtyń ashyqtyǵyn qamtamasyz etip, biýrokratiiany azaitady jáne biznes úshin de, memleket úshin de shyǵyndardy aitarlyqtai azaitady. Aqparattyq júie memlekettik derekter bazasymen integratsiialaý esebinen aldyn ala baǵalaý júrgizip, qajet bolǵan jaǵdaida qatysýshylardyń ótinimder jiberýine shekteý qoiady», - dedi vedomstvodan.
