قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ قازاقستاندا كەلەسٸ ايدان باستاپ مەملەكەتتٸك قىزمەتتٸ QR كود ارقىلى الۋعا بولاتىنىن ايتتى, دەپ حابارلايدى "ۇلت اقپارات".
«موبيلدٸلٸكتٸڭ تۇراقتى ترەندٸن ەسەپكە الا وتىرىپ, بٸز سمارتفونسىز ٶمٸردٸ ەلەستەتە المايمىز. سول سەبەپتٸ قازٸر «eGov mobile» موبيلدٸ قوسىمشاسىن قارقىندى تٷردە دامىتىپ كەلەمٸز. موبيلدٸ قوسىمشانىڭ كٶمەگٸمەن قازٸردٸڭ ٶزٸندە جيٸ سۇرانىسقا يە 60 تٷرلٸ قىزمەت پەن سەرۆيس قولجەتٸمدٸ. ول جەردە ەسق-نى بارماق بەلگٸسٸمەن بەكٸتٸپ, بٸر تٷرتٸپ قانا سۇرانىس جولداۋعا بولادى», - دەپ جازادى مينيستر Facebook-تەگٸ پاراقشاسىندا.
ەگەر سٸز بۇل قوسىمشانى بەلسەندٸ تٷردە پايدالانا بٸلسەڭٸز, QR كودتى ساناي وتىرىپ, eGov پورتالىنا تٸركەلۋگە بولادى.
«ەرٸپتەستەرمەن اقىلداسا كەلە بٸز اتالمىش تەحنولوگييانى قىزمەتتەردٸ الۋ ٷشٸن پايدالانساق دەيمٸز. ازامات كومپيۋتەر ارقىلى eGov mobile موبيلدٸ قوسىمشاسى ارقىلى QR-كود كٶمەگٸمەن ٶتٸنٸم جازىپ, eGov-تاعى قىزمەتكە سۇرانىس بەرە الادى. ياعني قولدانۋشىعا NCA Layer ورناتىپ, كومپيۋتەرگە ەسق-نى ساقتاۋدىڭ قاجەتٸ جوق», - دەيدٸ اسقار جۇماعاليەۆ.
مينيستر قازٸرگٸ تاڭدا ماماندار بۇل قىزمەتتٸ جٷزەگە اسىرۋعا كٸرٸسٸپ كەتكەنٸن, كەزەڭ-كەزەڭمەن مەملەكەتتٸك قىزمەتتەردٸ QR كود ارقىلى الۋ مٷمكٸندٸگٸ كەڭەيتٸلەتٸنٸن ايتادى.
«مۇنداي قىزمەتتٸ كەلەسٸ ايدا باستاۋدى جوسپارلاپ وتىرمىز. سول كەزدە العاشقى قىزمەتتەردٸ QR كود ارقىلى الۋعا بولادى», - دەپ تٷيدٸ مينيستر.
