QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev Qazaqstanda kelesi aidan bastap memlekettik qyzmetti QR kod arqyly alýǵa bolatynyn aitty, dep habarlaidy "Ult aqparat".
«Mobildiliktiń turaqty trendin esepke ala otyryp, biz smartfonsyz ómirdi elestete almaimyz. Sol sebepti qazir «eGov mobile» mobildi qosymshasyn qarqyndy túrde damytyp kelemiz. Mobildi qosymshanyń kómegimen qazirdiń ózinde jii suranysqa ie 60 túrli qyzmet pen servis qoljetimdi. Ol jerde ESQ-ny barmaq belgisimen bekitip, bir túrtip qana suranys joldaýǵa bolady», - dep jazady ministr Facebook-tegi paraqshasynda.
Eger siz bul qosymshany belsendi túrde paidalana bilseńiz, QR kodty sanai otyryp, eGov portalyna tirkelýge bolady.
«Áriptestermen aqyldasa kele biz atalmysh tehnologiiany qyzmetterdi alý úshin paidalansaq deimiz. Azamat kompiýter arqyly eGov mobile mobildi qosymshasy arqyly QR-kod kómegimen ótinim jazyp, eGov-taǵy qyzmetke suranys bere alady. Iaǵni qoldanýshyǵa NCA Layer ornatyp, kompiýterge ESQ-ny saqtaýdyń qajeti joq», - deidi Asqar Jumaǵaliev.
Ministr qazirgi tańda mamandar bul qyzmetti júzege asyrýǵa kirisip ketkenin, kezeń-kezeńmen memlekettik qyzmetterdi QR kod arqyly alý múmkindigi keńeitiletinin aitady.
«Mundai qyzmetti kelesi aida bastaýdy josparlap otyrmyz. Sol kezde alǵashqy qyzmetterdi QR kod arqyly alýǵa bolady», - dep túidi ministr.
