قازاقستاندا مەديتسينالىق قىزمەتتەر قىمباتتادى. بٸر جىل ٸشٸندە العاشقى قابىلداۋ قۇنى - 10%, تەكسەرۋ مەن اناليز قۇنى - 8-13 پايىزعا كٶتەرٸلدٸ, دەپ حابارلايدى energyprom.kz.
شٸلدە ايىنىڭ قورىتىندىسى بويىنشا قر-داعى مەديتسينالىق قىزمەتتەر ٶتكەن جىلمەن سالىستىرعاندا بٸرشاما ۇلعايعان: دەرٸگەردٸڭ العاشقى قابىلداۋى - 9,9%-عا, ٸش قۋىسىن ۋلترادىبىستىق زەرتتەۋ - 13%-عا, جالپى قان اناليزٸ - 7,6%-عا جەنە جالپى نەسەپ اناليزٸ - 8,5%-عا قىمباتتاعان.
ماسساج قىزمەتتەرٸ 6,5%-عا, شيپاجاي قىزمەتتەرٸ - 6,8%-عا كٶتەرٸلگەن. ستوماتولوگييا قىزمەتتەرٸندە دە باعالاردىڭ ٶسۋٸ بايقالادى: تٸس جۇلۋ قۇنى بٸر جىلدا 10%-عا ٶسكەن.
سونىمەن بٸرگە, دەنساۋلىق ساقتاۋ جٷيەسٸندەگٸ ەڭبەكاقى ٶسٸمٸ ايتارلىقتاي جوعارى ەمەس. 2017 جىلدىڭ ٸٸ توقسان قورىتىندىسىندا جالپى دەنساۋلىق ساقتاۋ جەنە ەلەۋمەتتٸك قىزمەتتەر سالاسىنداعى ورتاشا ايلىق جالاقى ٶسٸمٸ 6,1% پايىز عانا بولعان, بۇل رەتتە ناقتى جالاقى يندەكسٸ سالا قىزمەتكەرلەرٸنٸڭ ساتىپ الۋ قابٸلەتٸنٸڭ 1,3%-عا ازايعانىن كٶرسەتتٸ.
ٶزگە ەرٸپتەستەرٸمەن سالىستىرعاندا, اۋرۋحانا ۇيىمدارى قىزمەتكەرلەرٸنٸڭ ەڭبەكاقىسى كٶبٸرەك ٶسكەن (بٸر جىلدا 7%-عا), دەگەنمەن بۇل سالا قىزمەتكەرلەرٸنٸڭ دە ساتىپ الۋ قابٸلەتٸ بٸر جىلدا 0,5%-عا تٶمەندەگەن.
ودان بٶلەك, دەنساۋلىق ساقتاۋ جەنە ەلەۋمەتتٸك قىزمەتتەر سالاسىنىڭ قىزمەتكەرلەرٸ قر بويىنشا جالپى قىزمەتكەرلەردەن 24,3%-عا تٶمەن جالاقى الادى.
دەگەنمەن, دەنساۋلىق ساقتاۋ مينيسترٸ ەلجان بٸرتانوۆ بولاشاققا جاعىمدى بولجام جاساپ وتىر: مٸندەتتٸ مەديتسينالىق ساقتاندىرۋ جٷيەسٸندەگٸ دەرٸگەرلەردٸڭ ورتاشا جالاقىسى ارتاتىن بولادى. مينيستردٸڭ پٸكٸرٸنشە, كلينيكالاردىڭ تابىسى كٶبەيگەن سوڭ, جالاقى ٶسەدٸ. ٷزدٸك كلينيكالار بەسەكە نەگٸزٸندە ٶز تابىستارىن كٶبەيتٸپ, دەرٸگەرلەرٸنٸڭ جالاقىسىن كٶتەرە الادى.
ەسكە سالا كەتسەك, مەمس بويىنشا العاشقى جارنالار مەن اۋدارىمدار بيىلعى شٸلدە ايىندا تٷسە باستادى.
2017 جىلدىڭ ٸٸ توقسانىنىڭ قورىتىندىسى بويىنشا, بٸر جىلدا دەنساۋلىق ساقتاۋ جەنە ەلەۋمەتتٸك قىزمەتتەر جٷيەسٸندەگٸ قىزمەتكەرلەر سانى 8%-عا ٶسكەن. بەرٸنەن بۇرىن اۋرۋحانا ۇيىمدارىنىڭ قىزمەتكەرلەر سانى ارتقان: ولاردىڭ تٸزٸمدٸك سانى 8%-عا, ناقتى سانى 7,9%-عا كٶبەيگەن. ەلەۋمەتتٸك قىزمەت سالاسىندا تۇرعىلىقتى جەرمەن قامتاماسىز ەتپەيتٸن قىزمەت كٶرسەتۋ سەگمەنتٸندە قىزمەتكەرلەردٸڭ كٶبەيگەنٸ بايقالادى, ولاردىڭ تٸزٸمدٸك سانى 9,3%-عا, ناقتى سانى 11,5%-عا ارتقان.
جالپى العاندا, ٶتكەن جىلى دەنساۋلىق ساقتاۋ سالاسىنداعى جۇمىسپەن قامتۋدىڭ ايتارلىقتاي ٶسكەنٸ بايقالادى. 2016 جىلدىڭ قورىتىندىسى بويىنشا, دەرٸگەرلەر سانى 7%-عا, 74,6 مىڭعا دەيٸن ارتقان, ورتاشا مەديتسينالىق قىزمەتكەرلەر سانى - 4,2%-عا (170,8 مىڭ ادام) ٶسكەن. 2015 جىلى دەرٸگەرلەر سانىنىڭ ارتۋى 1,2%-دى, ورتاشا مەديتسينالىق قىزمەتكەرلەر سانىنىڭ كٶبەيۋٸ - 2,4%-دى قۇراعان.
