فوتو: اقوردا
مەجٸلٸس تٶراعاسى ەرلان قوشانوۆ دەپۋتاتتاردىڭ اتقارعان جۇمىسى تۋرالى پرەزيدەنت توقاەۆقا ەسەپ بەردٸ. نەگٸزگٸ مەسەلەلەردٸڭ بٸرٸ — قىز الىپ قاششۋ ٷشٸن جازانى قاتاڭداتۋعا باعىتتالعان ٶزگەرٸستەردٸ دايىنداۋ پروتسەسٸ بولدى, دەپ حابارلايدى Ult.kz.
بۇعان دەيٸن پرەزيدەنت اتىراۋداعى ۇلتتىق قۇرىلتايدىڭ ناۋرىزداعى وتىرىسىندا بۇل دەستٷردٸ «ٶرەسكەل ناداندىق» دەپ اتاپ, زاڭنامانى قايتا قاراۋدى تاپسىرعان بولاتىن.
«پرەزيدەنت تاپسىرماسىن ورىنداۋ ماقساتىندا دەپۋتاتتار قىز الىپ قاشۋ ٷشٸن جازانى قاتاڭداتۋعا باعىتتالعان ٶزگەرٸستەر دايىنداۋدا», – دەدٸ قوشانوۆ.
قازٸرگٸ ۋاقىتتا دەپۋتاتتاردىڭ قاراۋىندا 71 زاڭ جوباسى بار. سالىق, سۋ, قۇرىلىس, تسيفرلىق كودەكستەر, تۇتىنۋشىلاردىڭ قۇقىقتارىن قورعاۋ, تۇرعىن ٷي قۇرىلىسىنا ٷلەستٸك قاتىسۋ مەسەلەلەرٸ, قارجى نارىعىن دامىتۋ, ەسكەري-پاتريوتتىق تەربيە جەنە پوشتا سالالارى بويىنشا زاڭ جوبالارىنا قاتىستى جۇمىستار جٷرگٸزٸلۋدە.
