قازاقستان مۇسىلماندارى دٸني باسقارماسى قۇربان ايت مەرەكەسٸنە وراي Qurban2020.kz سايتىن ٸسكە قوستى, دەپ حابارلايدى "ۇلت اقپارات".
بۇعان دەيٸن ەلٸمٸزدەگٸ ەپيدەميولوگييالىق احۋالعا بايلانىستى قۇربان شالۋعا ونلاين تٷردە تاپسىرىس بەرەتٸن سايتتىڭ اشىلاتىنى تۋرالى حابارلانعان بولاتىن. قازاق جەنە ورىس تٸلدەرٸندە قىزمەت كٶرسەتەتٸن جاڭا سايتتىڭ كٶمەگٸمەن ەل تۇرعىندارى ونلاين تٷردە قۇرباندىق مالىن تاڭداپ, تٶلەم جاساپ, كەيٸن قالاسا فوتو جەنە بەينە ەسەبٸن سۇراتا الادى. سونداي-اق سايتتا قۇربان شالۋعا قاتىستى شاريعات جەنە پەتۋا بٶلٸمٸ ماماندارى دايىنداعان سۇراق-جاۋاپ تا بار.
قۇربان شالۋعا ونلاين تٷردە قالاي تاپسىرىس بەرۋگە بولاتىنىن سايتتىڭ ٶزٸنە كٸرٸپ بٸلۋگە بولادى.
ەسكە سالا كەتسەك, بۇعان دەيٸن قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى 31 شٸلدە كٷنٸ قازاقستان مەشٸتتەرٸندە قۇربان ايت نامازى وقىلمايتىنىن حابارلاعان ەدٸ.
«ەلٸمٸزدەگٸ كارانتين مەرزٸمٸ 2 تامىزعا دەيٸن ۇزارتىلعاندىقتان, رەسپۋبليكا بويىنشا مەشٸتتەر جابىق بولادى. وسىعان بايلانىستى 31 شٸلدە كٷنٸ قۇربان ايت نامازى وقىلمايدى», - دەدٸ باس مٷفتي ورتالىق كوممۋنيكاتسييالار قىزمەتٸندە.
سونىمەن قاتار باس مٷفتي ونلاين شالىنعان قۇربان ەتتەرٸن مۇقتاجدارعا تاراتۋعا ۆولونتەرلەردٸ شاقىردى.
