قازاقستاندا كوروناۆيرۋستى جەڭٸل فورمادا ٶتكەرەتٸن ناۋقاستار سانى ارتىپ كەلەدٸ. بۇل تۋرالى قر دەنساۋلىق ساقتاۋ مينيسترٸنٸڭ زەرتحانالىق قىزمەت بويىنشا كەڭەسشٸسٸ جانار سٷلەيمەنوۆا ايتىپ بەردٸ, دەپ حابارلايدى قازاقپارات.
ونىڭ ايتۋىنشا, كۆي جەڭٸل فورماسى مەن سيمپتومسىز تٷرٸ كٶبٸرەك تٸركەلٸپ جاتىر.
«بۇل اۋرۋ قۇرىلىمىنىڭ گەنەتيكالىق تٷرلەنۋٸ جٷرٸپ جاتقانىن كٶرسەتەدٸ. بٸز بايقاعان پنەۆمونييانىڭ اۋىر تٷرلەرٸ مۇنداي كٶپ كٶلەمدە تٸركەلٸپ جاتقان جوق», - دەدٸ مينيستر كەڭەسشٸسٸ ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
بۇعان دەيٸن قر دسم قوعامدىق دەنساۋلىق ساقتاۋ ۇلتتىق ورتالىعى جۇقپالى اۋرۋلاردىڭ الدىن الۋ دەپارتامەنتٸنٸڭ ديرەكتورى جۇمابەك بەكەنوۆ قازاقستاندا سيمپتومدى جەنە سيمپتومسىز ناۋقاستار سانى 27 مىڭنان اسقانىن مەلٸمدەدٸ.
«قازٸرگٸ تاڭدا قازاقستان رەسپۋبليكاسىندا 27 541 COVID-19 جاعدايى تٸركەلٸپ وتىر. ونىڭ سيمپتومسىز تٷرٸ – 9 809 ادامدا, سيمپتومدى تٷرٸ – 17 732 ادامدا. سوڭعى تەۋلٸكتە 1 471 اۋرۋ تٸركەلدٸ, ونىڭ 507 – سيمپتوممەن, 964-ٸ – سيمپتومسىز», - دەدٸ ج. بەكەنوۆ.
