14 اقپان كٷنٸ قازاقستان دەنساۋلىق ساقتاۋ مينيسترلٸگٸ ەلدە كوروناۆيرۋستان تاعى جەتٸ ادامنىڭ قايتىس بولعانىن حابارلادى. ونىڭ تٶرتەۋٸ Covid ينفەكتسيياسىن جۇقتىرعانى پتر تەستٸمەن راستالعان ناۋقاس بولسا, ٷشەۋٸ – اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ناۋقاسى.
رەسمي دەرەك بويىنشا, پتر تەستٸمەن راستالعان Covid ناۋقاستارى اراسىندا بارلىعى 2642 ادام قايتىس بولعان. بۇل ستاتيستيكاعا كوروناۆيرۋس جۇقتىرعانى دەلەلدەنگەن, بٸراق "ٶزگە اۋرۋدان قايتىس بولدى" دەگەن جٷزدەگەن ادام كٸرمەي قالعان.
ەسەبٸ 1 تامىزدان باستاپ جٷرگٸزٸلە باستاعان كوروناۆيرۋس پنەۆمونيياسى اۋرۋىنان بارلىعى 598 ادام قايتىس بولعان. بۇل – ۆيرۋس جۇقتىرعانى پتر تەستٸمەن راستالماعان ناۋقاستار. قازاقستان بيلٸگٸ 1 تامىزعا دەيٸن پتر تەستٸ تەرٸس نەتيجە كٶرسەتتٸ دەپ كوروناۆيرۋسقا ۇقسايتىن پنەۆمونييا جاعدايلارىن كوروناۆيرۋس ستاتيستيكاسىنا قوسپادى. بٸراق ماۋسىم, شٸلدە ايلارىندا كوروناۆيرۋسقا ۇقسايتىن وسىنداي پنەۆمونيياعا شالدىققاندار كٷرت كٶبەيٸپ كەتكەن.
ەلٸمٸزدە كوروناۆيرۋس جۇقتىرعانى پتر تەستٸمەن راستالعان ناۋقاس سانى 837 ادامعا ارتىپ, 201 801-گە جەتسە, كوروناۆيرۋس پنەۆمونيياسى ناۋقاستارىنىڭ سانى 77 ادامعا ارتىپ, 48 675-كە جەتتٸ.
