قازاقستاندا كوروناۆيرۋس جۇقتىرعاندار كٷرت كٶبەيدٸ. 22 ماۋسىمدا 1248 ادامنىڭ اناليزٸنەن كوروناۆيرۋس انىقتالدى. بٸر كٷن بۇرىن بۇل كٶرسەتكٸش 943 بولعان. ەكٸ كٷن بۇرىن 81 ادامعا كوروناۆيرۋس پنەۆمونيياسى دياگنوزى قويىلعان. 13 ادام قايتىس بولعان: 12 ادام - كوروناۆيرۋستان, 1 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
وسى اپتادا قازاقستان دەنساۋلىق ساقتاۋ مينيسترلٸگٸ ەلدە كوروناۆيرۋستىڭ "ٷندٸستاندىق شتامىنا" ۇقسايتىن مۋتاتسيياسى انىقتالدى, سىناق قورىتىندىسى شىققاننان كەيٸن انىعىن بٸلەتٸن بولامىز دەپ مەلٸمدەگەن. 22 ماۋسىمدا نۇر-سۇلتان ەكٸمدٸگٸ استانادا قوسىمشا تەكسەرۋ نەتيجەلەرٸ "ٷندٸستاندىق شتامم" بارىن كٶرسەتتٸ دەپ حابارلادى. سەيسەنبٸ كٷنٸ قالادا كارانتيندٸ كٷشەيتۋ تۋرالى شەشٸم قابىلداندى. 23 ماۋسىمدا الماتى قالاسىنىڭ سانيتارلىق-ەپيدەميولوگييالىق باقىلاۋ دەپارتامەنتٸ دە قالادا "ٷندٸستاندىق شتامم بار بولۋى مٷمكٸن" دەدٸ. مامانداردىڭ ايتۋىنشا, "ٷندٸستاندىق شتامم" كوروناۆيرۋستىڭ كەدٸمگٸ تٷرٸنە قاراعاندا تەز جۇعادى, اۋرۋدىڭ اسقىنۋ ىقتيمالدىعى جوعارى.
قازٸر كوروناۆيرۋس بويىنشا "قىزىل ايماقتا" تۇرعان نۇر-سۇلتاندا ۆيرۋس كٷشەيگەن. رەسمي مەلٸمەت بويىنشا, ٶتكەن اپتامەن سالىستىرعاندا مۇندا اۋرۋ ٶسٸمٸ 43 پايىزعا كٶبەيگەن. 22 ماۋسىمدا استانادا كوروناۆيرۋc جۇققان 413 ناۋقاس انىقتالدى. بۇل - رەسپۋبليكا بويىنشا ەڭ جوعارى كٶرسەتكٸش. قاراعاندى وبلىسىندا – 146, الماتىدا 117 ادامعا Covid جۇققان. قالعان وبلىستار مەن قالالاردا بٸر تەۋلٸكتە انىقتالعان ناۋقاستار جٷزگە جەتپەيدٸ.
2020 جىلدىڭ ناۋرىز ايىنان بەرٸ ەلدە 411 771 ادامنىڭ كوروناۆيرۋس تەستٸ وڭ شىققان. 4261-ٸ قايتىس بولعان. بۇعان قوسا, كوروناۆيرۋس پنەۆمونيياسىنا شالدىققاندار 56 627 ادامعا جەتتٸ. 3431-ٸ كٶز جۇمعان دەپ ايتىلادى. ەلدە كوروناۆيرۋس پەن كوروناۆيرۋس پنەۆمونيياسىنا شالدىققاندار بٶلەك ەسەپتەلەدٸ. بٸراق حالىقارالىق ۇيىمداردىڭ سايتىندا ەكٸ كٶرسەتكٸش بٸرٸكتٸرٸلگەن.
قازٸر 21 449 ادام كوروناۆيرۋستان ەمدەلٸپ جاتىر. (20 مىڭنان استامىنىڭ پتر تەستٸ وڭ شىققان). ستاتسيوناردا 6325 ادام ەمدەلٸپ جاتىر. 15 124 ادام امبۋلاتورلىق جاعدايدا ەمدەلٸپ جٷر. 413 ادامنىڭ جاعدايى اۋىر, 95 پاتسيەنتتٸڭ جاعدايى ٶتە اۋىر, 66 ادام جاساندى تىنىس اپپاراتىنا قوسىلعان.
قازاقستاندا 2 ملن 857 مىڭ ادام كوروناۆيرۋسقا قارسى ۆاكتسينانىڭ كەمٸندە بٸر دوزاسىن العان. 1 ملن 753 مىڭى ەكٸ دوزاسىن العان. ازاماتتارعا رەسەيلٸك "سپۋتنيك V", قازاقستاندىق QazVac جەنە قىتايلىق Sinopharm جەنە "Sinovac Biotech Ltd" كومپانيياسىنىڭ CoronaVac (Sinovac) ۆاكتسيناسى ەگٸلٸپ جاتىر.
امەريكالىق دجونس حوپكينس ۋنيۆەرسيتەتٸنٸڭ دەرەگٸنشە, ٸندەت باستالعالى بەرٸ ەلەمدە 179 ملن 107 مىڭ ادامنان كوروناۆيرۋس انىقتالعان. 3 ملن 880 مىڭ ادام قايتىس بولعان.
ايماقتار بويىنشا ٶتكەن تەۋلٸكتە كوروناۆيرۋس انىقتالعاندار سانى:
نۇر-سۇلتان قالاسى - 413
الماتى قالاسى - 117
شىمكەنت قالاسى - 64
اقمولا وبلىسى - 32
اقتٶبە وبلىسى - 32
الماتى وبلىسى - 28
اتىراۋ وبلىسى - 50
شىعىس قازاقستان وبلىسى - 70
جامبىل وبلىسى - 24
باتىس قازاقستان وبلىسى - 88
قاراعاندى وبلىسى - 146
قوستاناي وبلىسى - 30
قىزىلوردا وبلىسى - 28
ماڭعىستاۋ وبلىسى - 46
پاۆلودار وبلىسى - 46
سولتٷستٸك قازاقستان وبلىسى - 13
تٷركٸستان وبلىسى - 21
