فوتو: اشىق دەرەككٶزدەن
وتاندىق كينەماتوگرافييا دامىپ, فيلمدەر سانى جىلدان جىلعا ارتىپ كەلەدٸ. الايدا سوڭعى جىلدارى شىعارىلىپ جاتقان فيلمدەردٸڭ باسىم بٶلٸگٸ كومەدييا جانرىندا تٷسٸرٸلگەن.
قازاقستاندا كومەدييا جانرىنداعى كينولار ەدەتتە ەڭ كٶپ كاسسا جينايدى. اۋقىمدى قاراجات تاپقان فيلمدەردٸڭ ٷشتٸگٸندە كومەدييا جانرىنداعى ٶنٸمدەر كٶپ. اتاپ ايتقاندا, پروديۋسەر نۇرلان قويانباەۆتىڭ “تٷركيياداعى قازاقشا بيزنەس” فيلمٸ 1,185,801,720 تەڭگە تابىسپەن كٶش باستاپ تۇر. ال ەكٸنشٸ ورىنعا تانىمال ۆاينەر جاحان وتارعاليەۆتٸڭ “دجوحان” فيلمٸ تۇراقتاپ وتىر. ونىڭ كاسسالىق تابىسى 856,167,410 تەڭگەنٸ قۇراعان. تابىستى ٷشتٸكتٸ “كەلٸنجان” فيلمٸ تٷيٸندەپ تۇر. ونىڭ تابىسى 694,231,731 تەڭگەگە جەتكەن.
جىل ٶتكەن سايىن قازاقستاندا تٷسٸرٸلەتٸن تولىقمەتراجدى فيلمدەردٸڭ سانى ارتىپ كەلەدٸ. Zakon.kz پورتالىنىڭ دەرەگٸنشە, 2022 جىلى جالپى ەسەپپەن 38 فيلم جارىققا شىققان. ونىڭ 27-سٸ كومەدييا جانرىندا تٷسٸرٸلگەن.
| 1 | تٷركيياداعى قازاقشا بيزنەس | 1 185 801 720 |
| 2 | دجوحان | 856 167 410 |
| 3 | كەلٸنجان | 694 231 731 |
| 4 | I GO TO SCHOOL | 556 844 180 |
| 5 | كٷشٸك قۇدا | 544 794 274 |
| 6 | بويداق كٷيەۋ | 551 224 990 |
| 7 | بيشاراشكي | 533 941 570 |
| 8 | پاتسانسكايا يستورييا | 525 941 180 |
| 9 | مويا بولشايا كازاحسكايا سەميا | 325 557 220 |
| 10 | دونور | 317 487 180 |
دەرەككٶز: zakon.kz
كينوسىنشى ەلٸماقىن جانبولات كومەدييا جانرىنداعى فيلمدەردٸ تٷسٸرۋدەگٸ باستى ماقسات – كٶرەرمەن سۇرانىسىنا قاراي كاسسا جيناۋ دەپ تٷسٸندٸردٸ.
“كينو كٶرەرمەن تالعامىن عانا كٶزدەپ, كٶرسەتٸلٸم سانىن كٶبەيتۋ ماقساتىندا تٷسٸرٸلسە, ول جەردە ٶنەر ۇعىمى جوعالادى. قازٸرگٸ تاڭدا ۇلتتىق يدەيا, بيٸك اۆتورلىق شەشٸمدەر, ٶنەر مەن كينو تٸلٸ دەگەن دٷنيەلەردٸ كوممەرتسييالىق جوبالاردان ٸزدەۋ مٷمكٸندٸگٸ بولماي تۇر”, – دەدٸ جانبولات.
اقش-تىڭ كينو ٶندٸرٸسٸندە دە كومەدييا جانرىندا كٶپ كارتينا شىعادى. بٸراق ودان ٶزگە جانرلار دا كەندە قالماعان. امەريكالىق پروديۋسەرلەردٸڭ فيلم تٷسٸرۋدەگٸ نەگٸزگٸ مٷددەسٸ ونىڭ تابىس تابۋ مٷمكٸندٸگٸن انىقتاۋ بولىپ سانالادى. بۇل جاعىنان ولاردىڭ ٶنەرگە قاراعاندا بيزنەستٸك موتيۆٸ جوعارى ەكەنٸ كٶرٸنەدٸ. فيلم سەتتٸ شىقپاي قالسا, ونىڭ جالعاسى تٷسٸرٸلمەيدٸ.
ال ەۋروپالىق كينورەجيسسەرلەر كٶبٸنە اۆتورلىق فيلم تٷسٸرۋگە تىرىسادى. دەسە دە, ولاردا امەريكالىق ٶنٸم سەكٸلدٸ جاپپاي تانىمال بولۋ ىقتيمالدىعى تٶمەن. سەبەبٸ رەجيسسەردٸڭ اۆتورلىق شەشٸمدەرٸ بيزنەسكە قاراعاندا, ٶنەردٸ العا قويۋ ەسەبٸنەن شىعادى.
رەجيسسەر ەرٸ ستسەناريست قاعانات مۇستافيننٸڭ ايتۋىنشا, كومەدييالىق فيلمدەردٸ تٷسٸرۋ ارزان.
“كومەدييا جانرىندا فيلم تٷسٸرۋ ٷشٸن بار بولعانى بٸر نە ەكٸ لوكاتسييا جەنە بٸر نە ەكٸ ٷي عانا كەرەك. ال تاريحي كينو بولاتىن بولسا, كوستيۋم تٸگۋ, رەكۆيزيت تابۋ دەيتٸن تۇستارى كٶپ. ونىڭ بەرٸن جالعا الۋ قىمبات. ودان دا رەجيسسەرلەرگە كومەدييانى 50,000,000-70,000,000 تەڭگەگە تٷسٸرٸپ تاستاعان وڭاي. ول ٶز قاراجاتىن اقتايدى”, – دەدٸ مۇستافين.
Ticketon.kz سايتى اپتا سايىن ەڭ كٶپ كاسسا جينايتىن فيلمدەردٸڭ تٸزٸمٸن ۇسىنادى. تٸزٸمنٸڭ جوعارى ساناتىنا بىلتىرعى جەلتوقساننان بەرٸ 46 قازاقستاندىق فيلم ٸلٸنگەن. ولاردىڭ باسىم بٶلٸگٸ – كومەدييا جانرىنداعى فيلمدەر.
فوتو: egemen.kz
استانا تۇرعىنى ايانا مىرزاحمەت قازاقستانداعى فيلمدەر جانرىنىڭ اياسى تارىلىپ كەتكەنٸن ايتتى. ونىڭ ويىنشا, وتاندىق كينەماتوگرافييادا سالماقتى فيلمدەر جەتكٸلٸكسٸز.
“بٸزدە كومەدييالىق فيلمدەر ٶتە كٶپ. ونىڭ ٸشٸندە كەلٸن مەن ەنە, ەيەل مەن كٷيەۋ قارىم قاتىناسى جيٸ قوزعالادى. سونىڭ سالدارىنان كەلٸندٸ قۇل كٶرۋ دەگەن سيياقتى تاپتاۋىرىنداردان ايىرىلا الماي جٷرمٸز”, – دەيدٸ مىرزاحمەت.
تاعى بٸر ەلوردا تۇرعىنى الۋا رىسقوجاەۆا بۇل پٸكٸرمەن كەلٸسپەيدٸ. ونىڭ ويىنشا, كومەدييالىق فيلمدەردە ەنە مەن كەلٸن اراسىنداعى قارىم-قاتىناستى ەزٸل ارقىلى كٶرسەتەدٸ.
“بۇل مەسەلە ٶتە ٶزەكتٸ. قازٸرگٸ قازاق قوعامىندا ەنە مەن كەلٸننٸڭ باستارى سىيىسپاي قانشاما وتباسىنىڭ شاڭىراعى شايقالىپ جاتىر. سول ٷشٸن وسىنداي تاقىرىپتاعى فيلمدەر كٶپ بولعانى ابزال. سەبەبٸ سول ارقىلى وتباسى مٷشەلەرٸ بٸر-بٸرٸنە تٷسٸنٸستٸكپەن قاراپ, كٶزدەرٸن اشادى”, – دەدٸ رىسقوجاەۆا.
ۇلتتىق كينونى قولداۋ مەملەكەتتٸك ورتالىعى باسقارما تٶراعاسىنىڭ ورىنباسارى باۋىرجان شٶكەنوۆتىڭ ايتۋىنشا, 2022 جىلعا دەيٸن قازاقستاننىڭ پروكات نارىعى 20,000,000,000 تەڭگەنٸ قۇراعان. ول ونىڭ 40%-ى وتاندىق فيلمدەرگە تيٸسٸلٸ.
كينوسىنشى دانا ەمٸربەك وتاندىق كينونىڭ ٶز دەڭگەيٸندە دامىماي جاتقانىن بٸلٸكتٸ ستسەناريستەردٸڭ جوقتىعىمەن بايلانىستىرادى.
“جانرلىق فيلمنٸڭ تٷپ-نەگٸزٸ – ستسەناريي. جازىلعان دٷنيەڭ ەۋ باستان دراماتۋرگييالىق تۇرعىدا ەلسٸز بولسا, سوڭىندا تەۋٸر دٷنيە شىعادى دەپ ٷمٸتتەنۋدٸڭ قاجەتٸ جوق”, – دەيدٸ كينوسىنشى.
ەمٸربەك قازاقستاندىق كينەماتوگرافييانىڭ كومەدييا جانرىنا ويىسۋىن ەرٸ فيلمدەردٸڭ ساپاسىز بولۋىن نارىققا تٷرلٸ ەزٸل-سىقاق شوۋلار مەن تانىمال تامادالاردىڭ ارالاسۋىمەن بايلانىستىرادى.
“تامادالار رەجيسسەر اتانعان زاماندا ەكرانىمىزدىڭ تويعا اينالۋىنا تاڭقالۋدىڭ قاجەتٸ جوق. ەركٸم ٶز ٶرەسٸنە ساي سٶيلەپ, وي ايتادى”, – دەدٸ كينوسىنشى.
ەلٸمٸزدە قر مەدەنيەت جەنە اقپارات مينيسترلٸگٸ تاپسىرىسى بويىنشا تاريحي فيلمدەر دە تٷسٸرٸلەدٸ. 2019 جىلى شىققان اقان ساتاەۆتٸڭ “توميريس” فيلمٸنە مەملەكەت تاراپىنان 3 850,000,000 تەڭگە بٶلٸنگەن. ال كاسسادان تٷسكەن تابىس شامامەن 562,000,000 تەڭگەنٸ قۇراعان.
2022 جىلى رەجيسسەر الدييار بايراقىموۆ تٷسٸرگەن “پاراليمپيەتس” فيلمٸ كٶرەرمەنگە جول تارتتى. فيلم سپورت, دراما جانرىندا تٷسٸرٸلگەن. كاسسادان تٷسكەن تابىس – 44,000,000 تەڭگە.
رەجيسسەر مۇرات ەسجان كومەدييا جانرىنداعى فيلمدەردٸڭ كٶپ بولۋىن يندۋسترييا جاعىنان پروگرەسس سانايدى. ونىڭ ايتۋىنشا, 5 جىل بۇرىنعى جاعدايمەن سالىستىرعاندا وتاندىق فيلمدەردٸڭ سانى ەلدەقايدا ارتقان.
رەجيسسەر فيلمدەردٸ مازمۇندىق جاعىنان ساپاسىز دەپ ەسەپتەيتٸنٸن ايتادى. ونىڭ سٶزٸنشە, ستسەناريستەر بٸر-بٸرٸنەن كٶشٸرٸپ, كينو دايىندىقسىز تٷسٸرٸلە بەرسە, ول كٶرەرمەننٸڭ تالعامىنىڭ تٶمەندەۋٸنە ەكەلەدٸ.
“بٸزدە مەملەكەتتٸك تاپسىرىسپەن تاريحي كينولار, درامالار دا تٷسٸرٸلٸپ جاتىر. بۇل جەردەگٸ مەسەلە – ولاردىڭ جەتكٸلٸكسٸزدٸگٸ. مەملەكەتتٸك قارجىلاندىرۋمەن تٷسٸرٸلٸپ جاتقان درامالار, ارتحاۋستىق, فەستيۆالدىق فيلمدەر, تاريحي كينولار كٶبٸرەك جارنامالانىپ, كٶبٸرەك ٷلكەن ەكراندارعا شىعۋى كەرەك”, – دەدٸ ەسجان MNU Newsroom تٸلشٸسٸنە بەرگەن سۇحباتىندا.
مۇرات ەسجان – بيىلعى ەڭ كٶپ كاسسا جيناعان فيلمدەردٸڭ بٸرٸ “مٸرجاقىپ. ويان, كازاق!” فيلمنٸڭ رەجيسسەرٸ. فيلم الدىمەن التى سەرييادان تۇراتىن نۇسقامەن ٶتكەن جىلى شىعارىلدى. ول YouTube جەلٸسٸندە قولجەتٸمدٸ بولسا دا, جاپپاي كٶرٸلە قويمايدى. بيىل ٷلكەن ەكراندارعا شىعارىلعاندا, حالىق سۇرانىسى كٷرت ارتتى.
مۇرات ەسجان تۋىندىسى بٸر اپتادا 107,067,000 تەڭگە تابىس تاۋىپ, كٶسباسشىلاردىڭ بٸرٸنە اينالدى. باستاپقىدا “مٸرجاقىپ. ويان, كازاق!” فيلمٸ پروكاتقا شىققاننان كەيٸن 1 اپتادان سوڭ, كينوتەاترلاردان الىنىپ تاستالعان بولاتىن. كەيٸننەن كٶرەرمەننٸڭ تالابى بويىنشا كەرٸ كٶرسەتٸلە باستادى.
فوتو: ticketon.kz
Chaplin Cinemas كينوتەاترلار جەلٸسٸنٸڭ كوممەرتسييالىق ديرەكتورى دميتريي كيريەنكو ۇلتتىق كينونى قولداۋ جەنە دامىتۋ كونتەنت تەۋەكەلٸن بٶلۋدٸڭ ۇزاق مەرزٸمدٸ ساياساتىنىڭ بٶلٸگٸ ەكەنٸن ايتتى. ونىڭ سٶزٸنشە, وتاندىق كينونىڭ ٷلەسٸ تۇراقتى تٷردە ٶسٸپ كەلەدٸ.
“2014 جىلى نەبەرٸ 9 وتاندىق فيلم جارىققا شىقتى. ونىڭ جالپى كٶرسەتٸلٸمدەگٸ ٷلەسٸ 7,6% بولدى. ال 2017 جىلى كٶرسەتكٸش 10%-عا كٶتەرٸلدٸ. 2018 جىلى 16% بولسا, 2020 جىلى 32%-دى قۇرادى. وسى جىلدىڭ بٸرٸنشٸ جارتىسىندا وتاندىق كينو جالپى كاسسالىق تٷسٸمنٸڭ 47,5%-ىن قۇرادى. ال بيىلعى 11 ايدىڭ ورتاشا كٶرسەتكٸشٸ – 23%,” – دەدٸ كيريەنكو.
كينوتانۋشى باۋبەك نٶگەربەك كومەدييالىق فيلمدەردٸڭ كٶرەرمەنگە جيٸ ۇسىنىلۋىنىڭ كەرٸ ەسەرٸ دە بارىن ايتادى.
“ەرينە, ويىن-ساۋىق فيلمدەرٸ دە بولۋى كەرەك. بٸراق كينونى ٶنەر دەپ قاراستىرساق, ويىن-ساۋىق كومەدييالاردى ٶنەر تۋىندىسى دەپ ايتا المايمىز. بۇنداي فيلمدەردٸڭ كٶپ بولۋى – رەگرەسس. [بۇل] ستسەناريستەردە تاقىرىپ پەن يدەيا تاپشىلىعى بارىن كٶرسەتەدٸ,” – دەدٸ نٶگەربەك.
ەلوردا تۇرعىنى ەرماحان راحمان كينوتەاترعا تەك ميىن سەرگٸتۋ ٷشٸن باراتىنىن جەنە فيلمدەردٸڭ كەمشٸلٸگٸنە اسا مەن بەرمەيتٸنٸن ايتتى.
“كينو وڭ ماقساتتا تٷسٸرٸلسە جەنە كٶرەرمەنگە پايداسىن تيگٸزسە بولدى. قالعاندارىنا كٶڭٸل اۋدارمايمىن. فيلم قاراعاندا ونىڭ جامان تۇستارىن ٸزدەگٸم كەلمەيدٸ. سوندىقتان وتاندىق كومەدييالارعا كٶزقاراسىم تٷزۋ”, – دەيدٸ راحمان.
Chaplin Cinemas كومپانيياسى دەرەگٸنشە, كومەدييا – جوعارى سۇرانىسقا يە, پروكاتقا بەرٸلەتٸن ەڭ ۇزاق جارلاردىڭ بٸرٸ. قازاقستاندىق درامالار مەن ەكشن-فيلمدەرگە سۇرانىس تٶمەن. ولار كٶپ جاعدايدا بٸر اپتادان ەكٸ اپتاعا دەيٸن كٶرەرمەنگە ۇسىنىلادى.
ساندۋعاش فازىل,
