قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسى زيياندى جەنە قولايسىز ەڭبەك جاعدايىندا جۇمىس ٸستەيتٸن قىزمەتكەرلەر سانىن جارييا ەتتٸ, دەپ حابارلايدى "ۇلت اقپارات".
«زيياندى جەنە باسقا دا قولايسىز ەڭبەك جاعدايلارىندا جۇمىس ٸستەيتٸن قىزمەتكەرلەردٸڭ سانى تۋرالى اقپاراتتى الۋ ماقساتىندا قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسى ەكونوميكالىق قىزمەتتٸڭ جەكەلەگەن تٷرلەرٸندەگٸ كەسٸپورىندار مەن ۇيىمدارعا جىل سايىن زەرتتەۋ جٷرگٸزەدٸ. زەرتتەۋدە اۋىل, ورمان جەنە بالىق شارۋاشىلىعى, ٶنەركەسٸپ, قۇرىلىس, كٶلٸك جەنە بايلانىس, دەنساۋلىق ساقتاۋ جەنە حالىققا ەلەۋمەتتٸك قىزمەت كٶرسەتۋ, عىلىم جەنە قىزمەت كٶرسەتۋ سالاسىنداعى كەسٸپورىندار قامتىلادى», - دەلٸنگەن بيۋرو اقپاراتىندا.
ۆەدومستۆو مەلٸمەتٸنشە, زەرتتەۋ نەتيجەسٸندە سانيتارلىق-گيگيەنالىق تالاپتارعا (نورمالارعا) ساي كەلمەيتٸن جاعدايلاردا 366,9 مىڭ ادام نەمەسە زەرتتەلگەن كەسٸپورىنداعى قىزمەتكەرلەردٸڭ جالپى سانىنىڭ 22,3 پايىزى جۇمىس ٸستەيتٸندٸگٸ انىقتالعان. ونىڭ ٸشٸندە شۋدىڭ جەنە دٸرٸلدٸڭ جوعارى دەڭگەيٸ جاعدايىندا 169,8 مىڭ ادام, شۇك-دان (شەكتەۋلٸ ۇيعارىندى كونتسەنتراتسييادان) اساتىن جۇمىس ايماعىنداعى اۋانىڭ گازدانۋى مەن شاڭدانۋى ەسەرٸندە – 119,7 مىڭ ادام, قولايسىز تەمپەراتۋرالىق رەجيمدە – 62,2 مىڭ ادام, باسقا قولايسىز فاكتورلاردا – 15,2 مىڭ ادام ەڭبەكەتكەن. اۋىر دەنە ەڭبەگٸمەن شۇعىلداناتىن قىزمەتكەرلەر سانى - 94,3 مىڭ ادام.
2020 جىلى كەسٸپورىندار (ۇيىمدار) زيياندى جەنە باسقا دا قولايسىز ەڭبەك جاعدايلارىنداعى جۇمىسى ٷشٸن ٶتەماقىلار مەن جەڭٸلدٸكتەرگە 141 545,8 ملن تەڭگە جۇمسادى. قوسىمشا دەمالىس (جەڭٸلدٸكتٸڭ تٷرٸ) 520,6 مىڭ ادامعا بەرٸلدٸ. زيياندى جەنە جەنە باسقا دا قولايسىز ەڭبەك جاعدايىنا ەرتٷرلٸ ماتەريالدىق قوسىمشا تٶلەمدەردٸ 392,1 مىڭ ادام پايدالاندى. 322,9 مىڭ ادام سٷت نەمەسە تەڭ باعالى تاعام ٶنٸمدەرٸن تەگٸن الدى. 79,8 مىڭ ادام تەگٸن ەمدٸك-پروفيلاكتيكالىق تاماقتانۋمەن قامتاماسىز ەتٸلدٸ. ال 47,1 مىڭ ادام قىسقارتىلعان جۇمىس كٷنٸ رەجيمٸندە جۇمىس ٸستەدٸ.
