قازاقستاندا الداعى جىلى كەزەكتەن تىس پارلامەنتتٸك سايلاۋ ٶتە مە? بۇل سۇراققا «اشىق ديالوگ» باعدارلاماسىندا قر اقپارات جەنە قوعامدىق دامۋ مينيسترٸ دەۋرەن اباەۆ جاۋاپ بەردٸ, دەپ حابارلايدى "ۇلت اقپارات".
«ۇمىتپاسام, بۇعان دەيٸن دە «كٷزدە پارلامەنتتٸك سايلاۋدىڭ ٶتەتٸنٸ انىق» دەگەن پايىم-پٸكٸرلەر جەلدەي ەسكەن ەدٸ. ال قازٸر جىلدىڭ جەلتوقسانى كەپ قويدى. «Nur Otan» پارتيياسىنىڭ كەز كەلگەن دەرلٸك بەلسەندٸلٸگٸ – بٸردەن كەزەكتەن تىس سايلاۋعا دايىندىق سەكٸلدٸ قابىلداناتىن بولىپتى. بٸراق, بٸزدٸڭ كٶرٸپ وتىرعانىمىز – بەرٸ قاراپايىم پروتسەسس, پارتييانىڭ ەلەكتوراتارالىق جۇمىسى عانا. ونىڭ ٷستٸنە پارتييانىڭ بارلىق سالاسىن قايتا جانداندىرۋ مٸندەتٸن قويدى. سٶزسٸز, ايماقتاردى تارتپاسا, بۇل ٸستٸڭ سەتتٸ بولماسى انىق», - دەدٸ مينيستر.
دەۋرەن اباەۆ نۇرسۇلتان نازارباەۆتىڭ «Nur Otan» فيليالدارى ٶكٸلدەرٸمەن كەزدەسۋٸنەن نە تٷيگەنٸن ايتىپ بەردٸ.
«ەلبەتتە, ايتىلعان ەڭ ماڭىزدى مەسەلەلەردٸڭ بٸرٸ – مەسليحات دەپۋتاتتارىنىڭ پارتييالىق جاۋاپكەرشٸلٸگٸن كٷشەيتۋ. بٷگٸنگٸ كٷنٸ ٶزدەرٸڭٸز جاقسى بٸلەتٸندەي, جەرگٸلٸكتٸ باسقارۋ ٸسٸ جاقسى جەتٸلٸپ كەلەدٸ. اۋداندار مەن اۋىل ەكٸمدٸكتەرٸنٸڭ باسىم بٶلٸگٸ قازٸرگٸ ۋاقىتتا ٶزدٸگٸنەن بيۋدجەتتٸ تٷزٸپ, جۇمساي الادى. ياعني, ولار قاراجاتتى قايدا جۇمساۋدى شەشەدٸ. بۇل رەتتە ايماقتاردى دامىتۋداعى ستراتەگييالىق شەشٸمدەردٸ قابىلداۋدا دا مەسليحاتتاردىڭ رٶلٸ كٷشەيەدٸ. وسى رەتتە سايلاۋالدى ۋەدەلەردٸ ورىنداۋدا پارتييانىڭ دەپۋتاتتارىنا ەرەكشە جاۋاپكەرشٸلٸك جٷگٸ ارتىلاتىنى انىق», - دەدٸ دەۋرەن اباەۆ.
