كەشە, 13 قازاندا قازاقستاندا 1985 ادامنىڭ كوروناۆيرۋس تەستٸ وڭ شىقتى. بۇل الدىڭعى كٷنمەن سالىستىرعاندا 268 ادامعا كٶپ. سەرسەنبٸ كٷنٸ 1895 ادام Covid-تەن ايىقتى.
بٸر كٷندە تٸركەلگەن ناۋقاستاردىڭ ٷشتەن بٸر بٶلٸگٸ الماتى مەن نۇر-سۇلتان قالالارىنا كەلەدٸ. ٶتكەن تەۋلٸكتە الماتىدا – 350, نۇر-سۇلتاندا 270 ادامنان كوروناۆيرۋس انىقتالعان. قاراعاندى وبلىسىندا – 163, پاۆلودار وبلىسىندا – 154, الماتى وبلىسىندا – 142, شىعىس قازاقستان وبلىسىندا – 135, اقمولا وبلىسىندا 120 ادامنىڭ كوروناۆيرۋس تەستٸ وڭ شىققان. ەڭ تٶمەن كٶرسەتكٸش ماڭعىستاۋ وبلىسىندا(7) تٸركەلگەن.
ٸندەت باستالعالى بەرٸ قازاقستاندا 910 مىڭ ادامنىڭ كوروناۆيرۋس تەستٸ وڭ شىققان. 852 مىڭى ايىققان. 11 644-ٸ قايتىس بولعان. 12 قازاندا كوروناۆيرۋستان 31 ناۋقاس كٶز جۇمعان.
پنەۆمونييانىڭ كوروناۆيرۋسقا ۇقساس تٷرٸن قازاقستان بيلٸگٸ حالىقارالىق ۇيىمداردىڭ قىسىمىنىڭ نەتيجەسٸندە 2020 جىلدىڭ 1 تامىزىنان باستاپ ەسەپكە الا باستاعان.
سودان بەرٸ رەسمي مەلٸمەت بويىنشا, 77 مىڭنان استام ادام كوروناۆيرۋس پنەۆمونيياسىنا شالدىققان. 12 قازاندا بۇل دياگنوز تاعى 99 ادامعا قويىلدى. 2020 جىلدىڭ 1 تامىزىنان بەرٸ "كوۆيدتەكتەس پنەۆمونييا" 4939 ناۋقاس ٶلٸمٸنە سەبەپشٸ بولعان. 8-ٸ ەكٸ كٷن بۇرىن كٶز جۇمعان.
ودان بٶلەك, كوروناۆيرۋس جۇقتىرعانى راستالعان 3123 ادامنىڭ ٶلٸمٸ كوروناۆيرۋستان قايتىس بولعانداردىڭ ستاتيستيكاسىنا كٸرمەي قالعان.
قازٸر نۇر-سۇلتان, الماتى قالالارى, پاۆدودار, اقمولا, سولتٷستٸك قازاقستان وبلىستارى "قىزىل ايماقتا" تۇر. "جاسىل ايماقتا" شىمكەنت قالاسى, تٷركٸستان, جامبىل, اتىراۋ, اقتٶبە, قىزىلوردا وبلىستارى تۇر. قالعانى "سارى ايماقتا".
قازٸر رەسپۋبليكا بويىنشا 53 مىڭعا جۋىق ناۋقاس كوروناۆيرۋستان ەمدەلٸپ جاتىر. 9,1 مىڭ ناۋقاس ستاتسيوناردا جاتىر.
قازٸر 7 ميلليون ادام كوروناۆيرۋسقا قارسى ۆاكتسينانىڭ تولىق دوزاسىن العان. 900 مىڭ ادام ەكٸنشٸ دوزاسىن كٷتٸپ وتىر.
قازٸر قازاقستاندا 18 بەن 65 جاس ارالىعىنداعى ادامدارعا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), قازاقستاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن Hayat-Vax پەن قىتايدا ٶندٸرٸلگەن Vero Cell ەكپەسٸ, سونىمەن بٸرگە تاعى بٸر قىتايلىق Sinovac كومپانيياسىنىڭ CoronaVac ەكپەسٸ سالىنىپ جاتىر.
بٸر كٷن بۇرىن دەنساۋلىق ساقتاۋ مينيسترٸ الەكسەي تسوي ەلدە رەۆاكتسيناتسييا قاراشانىڭ سوڭىندا باستالادى, ەلدە كوروناۆيرۋستىڭ ٷشٸنشٸ دوزاسىن بيىل الۋى تيٸس 600 مىڭ ادام بار دەپ مەلٸمدەگەن.
