بٷگٸن مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸ ماڭعىستاۋ وبلىسى اقتاۋ قالاسىندا كٶشپەلٸ وتىرىس ٶتكٸزدٸ, دەپ حابارلايدى تٶمەنگٸ پالاتانىڭ باسپاسٶز قىزمەتٸ.
شارا بارىسىندا قازاقستان رەسپۋبليكاسى قارۋلى كٷشتەرٸنٸڭ, باسقا دا ەسكەرلەرٸ مەن ەسكەري قۇرالىمدارىنىڭ ارسەنالدارىندا, بازالارىندا, قويمالارىندا ساقتاۋداعى قارۋ-جاراق پەن وق-دەرٸلەردٸڭ قاۋٸپسٸزدٸگٸن جەنە ساقتالۋىن قامتاماسىز ەتۋ, سونداي-اق قارۋ-جاراق پەن وق-دەرٸلەردٸ ساقتاۋ وبەكتٸلەرٸن كٶشٸرۋ مەن جايلاستىرۋ باعدارلاماسىن ٸسكە اسىرۋ مەسەلەلەرٸ تالقىلاندى.
وتىرىستى اشقان بەيٸندٸ كوميتەت تٶراعاسى مۇحتار ەرمان اتالعان تاقىرىپتا ٸس-شارانى ٶتكٸزۋ ارىستاعى قايعىلى وقيعانى ەسەپكە الا وتىرىپ, قوعامعا دەگەن ماڭىزدىلىعىن اتاپ ٶتتٸ.
ٸسساپار بارىسىندا دەپۋتاتتار قورعانىس مينيسترلٸگٸنٸڭ, ۇلتتىق ۇلاننىڭ, ۇقك شەكارا قىزمەتٸنٸڭ بازالارى مەن قويمالارىندا قارۋ-جاراق, وق-دەرٸلەردٸڭ قاۋٸپسٸزدٸگٸن جەنە ساقتالۋىن قامتاماسىز ەتۋ سۇراقتارىن زەرتتەدٸ.
اتاپ ايتقاندا, دەپۋتاتتار اقتاۋ گارنيزونى ەسكەري بٶلٸمدەرٸندە قارۋ جاراقتار, ەسكەري تەحنيكالاردىڭ جەنە مٷلٸكتەردٸڭ ساقتالۋىمەن جەنە جۇمىلدىرۋ قورىنىڭ نىسانى بولىپ تابىلاتىن ارنايى مەديتسينالىق قامتاماسىز ەتۋ بازاسىمەن تانىستى. سونىمەن قاتار, قارۋ-جاراق پەن وق-دەرٸلەردٸ ساقتاۋ وبەكتٸلەرٸن كٶشٸرۋ مەن جايلاستىرۋ باعدارلاماسىنىڭ ارالىق قورىتىندىلارى بەلگٸلەندٸ.
ٸس-شارا اياسىندا مەجٸلٸس دەپۋتاتتارى يرينا ارونوۆا مەن قۇدايبەرگەن ەرجان «Nur Otan» پارتيياسى ماڭعىستاۋ وبلىستىق فيليالىندا ازامماتاردى قابىلداۋ ٶتكٸزدٸ.
كٶشپەلٸ وتىرىستى قورىتىندىلاي كەلە, مەجٸلٸسمەندەر كٶتەرٸلگەن ٶزەكتٸ مەسەلەلەرگە قاتىستى ۇسىنىستار مەن پٸكٸرلەر تيٸستٸ زاڭنامالاردى جەتٸلدٸرۋدە ەسكەرٸلەتٸنٸن ايتتى.
وتىرىس جۇمىسىنا مەجٸلٸس دەپۋتاتتارى مەن قورعانىس مينيسترلٸگٸ, ۇلتتىق ۇلان, ۇقك شەكارا قىزمەتٸ, قر ٸشكٸ ٸستەر مينيسترلٸگٸنٸڭ تٶتەنشە جاعدايلار كوميتەتٸ, باس ەسكەري پروكۋراتۋرانىڭ جەنە وبلىستىق ەكٸمشٸلٸكتٸڭ ٶكٸلدەرٸ قاتىستى.
