قازاقستاندا بانكوماتتار سانى 12 مىڭنان استى. ەربٸر 10 قۇرىلعىنىڭ تٶرتەۋٸ كليەنتتەرگە قولما-قول اقشا بەرۋمەن قاتار قاراجاتتى كارتاعا سالۋعا دا مٷمكٸندٸك ۇسىنادى, دەپ حابارلايدى ranking.kz.
2020 جىلدىڭ قاڭتار-تامىزىندا ەل اۋماعىندا قازاقستاندىق جەنە شەتەلدٸك تٶلەم كارتالارىمەن 10,4 ترلن تەڭگە اقشا قولما-قول الىندى. ٶتكەن جىلمەن سالىستىرعاندا كٶرسەتكٸش ٶزگەرمەدٸ دەسەك تە بولادى. دەگەنمەن, 0,1 پايىز ٶسٸم بار.
جالپى, قازاقستان اۋماعىندا تٶلەم كارتالارىنداعى جيىنتىق اينالىمنان قولما-قول اقشا شەشٸپ الۋ 59,9 پايىزدان 35,8 پايىزعا دەيٸن قىسقارىپ, تۇرعىندار قولما-قول اقشاسىز تٶلەم جاساۋعا كٶشكەنٸن بايقاۋعا بولادى. نەبەرٸ وسىدان 5 جىل بۇرىن عانا بانكوماتتار مەن بانك بٶلٸمشەلەرٸنەن اقشا شەشٸپ الۋ اينالىمعا تٷسكەن قاراجاتتىڭ 90 پايىزىنان اسىپ جىعىلاتىن.
كارتاداعى قاراجاتتى شەشٸپ الۋ كٶلەمٸنٸڭ قىسقارۋى ەلٸمٸزدٸڭ 3 ٶڭٸرٸندە بايقالادى. ال قالعان وبلىستاردا 0,9 پايىزدان 27,7 پايىزعا دەيٸن ٶسٸم بار. بۇل رەتتە الماتىلىقتار قولما-قول اقشا ۇستاۋدان باس تارتا باستاعانى انىق بٸلٸنەدٸ. دەگەنمەن, وسى قالا تۇرعىندارى ەسەپتٸ كەزەڭدە كارتالارىنان 2,1 ترلن تەڭگە شەشٸپ الىپ, ٶڭٸرلەر اراسىندا كٶش باستاپ تۇر.
قولما-قول اقشالاردىڭ باسىم كٶلەمٸ بانكوماتتاردان الىنعان. ونىڭ كٶلەمٸ 8 ايدا 9,6 ترلن تەڭگەگە جەتتٸ. بۇل ٶتكەن جىلمەن سالىستىرعاندا 10,6 پايىزعا كٶپ. ەلٸمٸزدە بانكوماتتار سانى دا ارتىپ, 2020 جىلدىڭ ٸ-جارتىجىلدىعىندا 12 مىڭنان اسىپ تٷستٸ. بارلىق بانكوماتتىڭ ٷشتەن بٸرٸ الماتى (2,3 مىڭ) مەن نۇر-سۇلتان (1,5 مىڭ) قالالارىندا شوعىرلانعان. ال تٷركٸستان مەن قاراعاندى وبلىستارىنىڭ جەنە شىمكەنت قالاسىنىڭ ەرقايسىسىندا 1 مىڭنان سەل اساتىن بانكومات بار.
