قازاقستاندا 10 مىڭنان اسا بالاباقشاعا 906 مىڭعا جۋىق بالا بارادى. بۇل تۋرالى Finprom.kz حابارلادى.
زەرتتەۋ مەلٸمەتٸنە سٷيەنسەك, مەكتەپكە دەيٸن تەربيە مەن بٸلٸم بەرۋ سالاسىندا كٶرسەتٸلگەن قىزمەت كٶلەمٸ وسى جىلدىڭ قاڭتار-ناۋرىز ايلارىندا 105,6 ملرد تەڭگەگە جەتكەن. جىلدىق ٶسٸم 24,6 پايىزدى قۇراعان. ودان بٶلەك بٸلٸم بەرۋ سالاسىندا كٶرسەتٸلگەن قىزمەت كٶلەمٸ 29,5 پايىزعا ارتىپ, 655,1 ملرد تەڭگەنٸ كٶرسەتكەن. ال مەكتەپكە دەيٸنگٸ بٸلٸم بەرۋ قىزمەتٸنٸڭ ٷلەسٸ 16,8 پايىزدان 16,1 پايىزعا ازايعان.
بٸلٸم جەنە عىلىم مينيسترلٸگٸنٸڭ مەلٸمەتٸنشە 2020 جىلدىڭ شٸلدە ايى بويىنشا ەلٸمٸزدە 10,7 مىڭ بالاباقشا بار. وندا 97 مىڭ پەداگوگ ەڭبەك ەتەدٸ. 906 مىڭعا جۋىق بالا بالاباقشاعا بارادى. ولاردىڭ 40,6 پايىزى – جەكە بالاباقشالار. 1-6 جاس ارالىعىنداعى بالالاردى مەكتەپكە دەيٸنگٸ بٸلٸممەن قامتۋ كٶرسەتكٸشٸ 78 پايىزدى, ال 3-6 جاس ارالىعىنداعى بالالاردى مەكتەپكە دەيٸنگٸ بٸلٸممەن قامتۋ كٶرسەتكٸشٸ 98 پايىزدى قۇرايدى.
ال كارانتين ۋاقىتىندا بالاباقشالار تەربيەلەنۋشٸلەردٸ تەك كەزەكشٸ توپتار بويىنشا, ياعني 15 بالادان ارتىق قابىلدامايدى.
«2020 جىلدىڭ العاشقى توقسانى بويىنشا قازاقستاندا ٶڭٸرلەردٸڭ ٸشٸندە مەكتەپكە دەيٸنگٸ تەربيە مەن بٸلٸم بەرۋ سالاسىندا ەڭ كٶپ قىزمەت تٷركٸستان وبلىسىندا كٶرسەتٸلەدٸ (14,1 ملرد تەڭگە). ونىڭ ٸزٸنشە الماتى قالاسى (10,5 ملرد تەڭگە) مەن جامبىل وبلىسى (9,1 ملرد تەڭگە) تۇر. بۇل سالادا جىلدىق ٶسٸم قازاقستاننىڭ 17 ٶڭٸرٸندە دە بايقالعان», - دەلٸنگەن حابارلامادا.
