2019 جىلى قازاقستاندا 1 492 114 اۆتوكٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعى مەلٸم ەتتٸ, دەپ حابارلايدى "ۇلت اقپارات".
«ەسەپتٸ كەزەڭدە ەكٸمشٸلٸك پوليتسييا ورگاندارى 1 492 114 اۆتوكٶلٸكتٸ تٸركەدٸ. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 12,2 پايىزعا ارتىق. ونىڭ ٸشٸندە 1 385 356-سى ەكٸنشٸ رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. ٶسٸم 2018 جىلمەن سالىستىرعاندا 11,2 پايىزعا جەتتٸ. ال العاش رەت تٸركەلگەن كٶلٸك قۇرالدارىنىڭ سانى 106 758-دٸ قۇرادى. ول ٶتكەن جىلعىعا قاراعاندا, 27 پايىزعا جوعارى», - دەپ اتاپ كٶرسەتٸلگەن حابارلامادا.
قازاقستاندا ەلەكتروموبيلگە دەگەن سۇرانىس 1,7 ەسەگە تٶمەندەگەن. 2019 جىلعى 12 ايدا ەلٸمٸز اۋماعىندا 33 ەلەكتروموبيل تٸركەلگەن ەكەن. ال بٸر جىل بۇرىن 56 ەلەكتروموبيل ساتىلعان بولاتىن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنەن استامىنىڭ (69,1 پايىزى) پايدالانۋ مەرزٸمٸ 10 جىلدان اسقان كٶلٸكتەردٸ قامتىعان.
اتاپ ايتقاندا, 20 جىلدان اسقانداردىڭ ٷلەسٸ 575 974 كٶلٸك (41,6 پايىز) بولسا, 11-دەن 20 جىلعا دەيٸنگٸلەر 27,5 پايىزدى (381 085 كٶلٸك) قۇرادى. ال 4-تەن 7 جىلعا دەيٸن – 285 883 (20,6 پايىز), 8-دەن 10 جىلعا دەيٸن – 82 922 (6 پايىز), 1-دەن 3 جىلعا دەيٸنگٸ كٶلٸكتەر سانى 48 856-عا (3,5 پايىز) جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,8 پايىز (10 636 كٶلٸك) بولدى.
