جەڭٸس كٷنٸ قارساڭىندا سوعىس ارداگەرلەرٸ مەن تىل ەڭبەككەرلەرٸنە قانداي ەلەۋمەتتٸك كٶمەك كٶرسەتٸلەدٸ? بۇل تۋرالى وكق-دا ٶتكەن باسپاسٶز مەسليحاتىندا قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ەرلان ەۋكەنوۆ ايتىپ بەردٸ, دەپ حابارلايدى قازاقپارات.
ونىڭ ايتۋىنشا قازاقستاندا قازٸرگٸ تاڭدا ەكٸنشٸ دٷنيەجٷزٸلٸك سوعىستىڭ 1 025 ارداگەرٸ بار.
«ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جەڭٸسكە ٷلەس قوسقان ازاماتتاردىڭ بەرٸنە ماتەريالدىق كٶمەك بەرۋدٸڭ كەپٸلدەندٸرٸلگەن شەگٸن بەكٸتۋ تۋرالى ەكٸمدٸكتەردٸڭ بارلىعىنا كەڭەس بەرگەن ەدٸ. وسىنىڭ نەتيجەسٸندە ۇوس ارداگەرلەرٸ مەن مٷگەدەكتەرٸنە 1 ملن تەڭگە كٶلەمٸندە بٸر رەتتٸك ماتەريالدىق كٶمەك بەرٸلدٸ», - دەدٸ ول.
ۆيتسە-مينيستر, سونىمەن قاتار, لەنينگراد قورشاۋىندا قالعان تۇرعىندار مەن كونتسلاگەرلەردٸڭ كەمەلەتكە تولماعان تۇتقىندارىنا 50 مىڭ تەڭگەدەن, ال ۇوس-نىڭ قايتىس بولعان ارداگەرلەرٸنٸڭ جۇبايىنا, سونىمەن قاتار سوعىس جىلدارى ەڭبەك ەتكەن تىل ەڭبەككەرلەرٸنە 30 مىڭ تەڭگەدەن بەرٸلەتٸنٸن مەلٸم ەتتٸ.
«تٶلەم بارلىق ايماقتا جٷرگٸزٸلەدٸ. جەتٸ ٶڭٸردە بەرٸلٸپ تە قويدى. ولار: اقتٶبە, اتىراۋ, شقو, قاراعاندى, قىزىلوردا وبلىستارى مەن نۇر-سۇلتان, الماتى قالالارى. باسقا ٶڭٸرلەردە جاقىن ارادا بەرٸنە تابىستالادى», - دەدٸ ەرلان ەۋكەنوۆ.
