«ەلەكتروندى ٷكٸمەت» پورتالىنىڭ eGovMobile موبيلدٸ قوسىمشاسىندا كوروناۆيرۋس بەلگٸلەرٸن انىقتاۋ ٷشٸن ونلاين ساۋالنامادان ٶتۋگە بولادى, دەپ حابارلايدى "ۇلت اقپارات" قر دەنساۋلىق ساقتاۋ مينيسترلٸگٸنە سٸلتەمە جاساپ.
قىزمەتتٸڭ بۇل تٷرٸ قر دەنساۋلىق ساقتاۋ مينيسترلٸگٸ مەن «ۇلتتىق اقپاراتتىق تەحنولوگييالار» اق بٸرلەسكەن جۇمىسىنىڭ نەتيجەسٸندە جاسالدى.
«كوروناۆيرۋستىڭ بەلگٸلەرٸن انىقتاۋ بويىنشا ٶزٸن ٶزٸ ونلاين دياگنوستيكالاۋ قىزمەتٸ eGovMobile قوسىمشاسىنىڭ باستى بەتٸندە «COVID-19 بەلگٸلەرٸ بويىنشا ساۋالناما» اتاۋىمەن جەكە باتىرما رەتٸندە ورنالاسقان. قىزمەت ٷش تٸلدە (قازاقشا, ورىسشا, اعىلشىنشا) قولجەتٸمدٸ. ساۋالنامانى تولتىرۋ ٷشٸن ازاماتتار 12 سۇراققا يە/جوق دەپ جاۋاپ بەرەدٸ, قاجەت بولعان جاعدايدا جەكە اقپاراتتاردى ەنگٸزەدٸ. تولتىرىپ بولعاننان كەيٸن «ساۋالنامانى جٸبەرۋ» باتىرماسىن باسۋ كەرەك», دەلٸنگەن حابارلامادا.
اقپارات ارى قاراي ٶڭدەۋدەن ٶتۋ ٷشٸن قر دەنساۋلىق ساقتاۋ مينيسترلٸگٸنە تٷسەدٸ.
سونىمەن قاتار, ازاماتتار eGovMobile ارقىلى «COVID-19 كارتاسى», «COVID-19 تۋرالى FAQ» قىزمەتتەرٸنەن كوروناۆيرۋس تۋرالى جيٸ قويىلاتىن سۇراقتارعا جاۋاپ الا الادى. سونداي-اق موبيلدٸ قوسىمشا ناقتى ۋاقىت رەجيمٸندە قازاقستان اۋماعىنداعى ۆيرۋستىڭ تارالۋ جاعدايى مەن ٸندەتٸ راستالعاندارمەن قاتىناستا بولعاندار جايلى ٶزەكتٸ اقپاراتتاردى ۇسىنادى.
