قازاقستان حالقى بٷگٸن العىس ايتۋ كٷنٸن اتاپ ٶتەدٸ, دەپ حابارلايدى "ۇلت اقپارات".
العىس ايتۋ كٷنٸ - بەيبٸتشٸلٸك پەن دوستىققا, تىنىشتىق پەن ىنتىماققا ٷندەيتٸن مەرەكە. بۇل كەڭقۇشاق قۇرمەت - ەلٸمٸزدەگٸ تٷرلٸ ۇلت ٶكٸلدەرٸنٸڭ اراسىنداعى ادامگەرشٸلٸك قارىم-قاتىناستىڭ ٶنەگەلٸ ٶلشەمٸنە اينالدى. العىس ايتۋ كٷنٸ - حالقىمىز ٷشٸن ايتۋلى ٸزگٸ دەستٷردەي.
قازاقستان حالقى بٷگٸن تاريحىندا التىنشى رەت العىس ايتۋ كٷنٸن اتاپ ٶتەدٸ.
2016 جىلدىڭ 14 قاڭتارىندا ەلباسى نۇرسۇلتان نازارباەۆ جارلىققا قول قويىپ, وعان سەيكەس, 1 ناۋرىز - ەلٸمٸزدە العىس ايتۋ كٷنٸ دەپ جارييالاندى.
ايتا كەتەرلٸگٸ, دەل وسى 1 ناۋرىز كٷنٸ ەلٸمٸزدە قازاقستان حالقى اسسامبلەياسى قۇرىلعان بولاتىن.
ن. نازارباەۆ 2015 جىلدىڭ 22 سەۋٸرٸندە اسسامبلەيانىڭ XXII سەسسيياسىندا العىس ايتۋ كٷنٸن بەلگٸلەۋگە نە تٷرتكٸ بولعانىن تاريحپەن بايلانىستىرا وتىرىپ ايتىپ بەرگەن ەدٸ. تۇڭعىش پرەزيدەنت ستاليندٸك رەجٸم كەزٸندە قازاقستانعا كٶپتەگەن حالىقتار جەر اۋدارىلعانىن - 800 مىڭعا جۋىق نەمٸس, 102 مىڭ پولياك, 550 مىڭ سولتٷستٸك كاۆكاز حالقىنىڭ ٶكٸلدەرٸ, 18,5 مىڭ قيىر شىعىستاعى كورەي وتباسىلارى كٶشٸپ كەلۋگە مەجبٷر بولعانىن ەسكە سالعان بولاتىن.
تاعدىردىڭ تەلكەگٸمەن ەلٸمٸزگە قونىس اۋدارعان تٷرلٸ ەتنوس ٶكٸلدەرٸن قازاق حالقى قۇشاق جايا قارسى الىپ, اۋىرتپالىق اتاۋلىنى بٸرگە كٶتەردٸ. بۇل كٷن - قيىن-قىستاۋ كەزەڭدەردە قۋانىش-قايعىنى بٶلٸسٸپ, پانا بولا بٸلگەن قازاق حالقىنا ٶزگە ۇلت ٶكٸلدەرٸنٸڭ العىس ايتاتىن كٷنٸ.
