فوتو: dzen.ru
قازاقستاندا بٸرىڭعاي ۋاقىت بەلدەۋٸ بەلگٸلەنەدٸ, - دەپ حابارلايدى "ۇلت اقپارات" ساۋدا جەنە ينتەگراتسييا مينيسترلٸگٸنە سٸلتەمە جاساپ.
ۆەدومستۆو مەلٸمەتٸنشە, «قازاقستان رەسپۋبليكاسىنىڭ اۋماعىندا ۋاقىتتى ەسەپتەۋ تەرتٸبٸ تۋرالى» ٷكٸمەت قاۋلىسىنا ٶزگەرٸستەر ەنگٸزٸلگەن. ٶزگەرٸستەرگە سەيكەس, 2024 جىلعى 1 ناۋرىزدا ساعات 00:00-دەن باستاپ ەلدٸڭ بٷكٸل اۋماعىندا بٸرىڭعاي ۋاقىت بەلدەۋٸ ورناتىلادى.
وسىلايشا, قازاقستان رەسپۋبليكاسىنىڭ بٷكٸل اۋماعىنا 5-شٸ ۋاقىت بەلدەۋٸ (UTC+5) قولدانىلادى.
«قازاقستان رەسپۋبليكاسىنىڭ اۋماعىنداعى ۋاقىتتى ەسەپتەۋ تەرتٸبٸ تۋرالى» قازاقستان رەسپۋبليكاسى ٷكٸمەتٸنٸڭ 2000 جىلعى 23 قاراشاداعى N 1749 قاۋلىسىنا ەنگٸزٸلگەن ٶزگەرتۋلەرگە سەيكەس, «استانا, الماتى قالالارىنىڭ ەكٸمدٸكتەرٸ, شىمكەنت, اقمولا, الماتى, جامبىل, قاراعاندى, قوستاناي, پاۆلودار, سولتٷستٸك قازاقستان, تٷركٸستان, شىعىس قازاقستان وبلىستارىندا جەنە اباي, جەتٸسۋ, ۇلىتاۋ وبلىستارىندا 2024 جىلعى 29 اقپاننان 1 ناۋرىزعا قاراعان تٷنٸ (ساعات 00:00-دە) جەرگٸلٸكتٸ ۋاقىتتى 1 ساعاتقا ارتقا قويۋ كەرەك» - دەلٸنگەن حابارلامادا.
بٷگٸنگٸ تاڭدا قازاقستاندا UTC+5 جەنە UTC+6 ەكٸ ۋاقىت بەلدەۋٸ بار. ەل اۋماعىنىڭ كٶپ بٶلٸگٸ (باتىس وبلىستاردى قوسپاعاندا) UTC+6 ايماعىندا ورنالاسقان.
ايتا كەتەيٸك, قازاقستاندا بٸرىڭعاي ۋاقىت بەلدەۋٸن ورناتۋدى ۋاقىتتى ەسەپتەۋ مەسەلەلەرٸ جٶنٸندەگٸ جۇمىس توبىنا كٸرگەن قازاقستاندىق عالىمدار مەن ساراپشىلار ۇسىنعان.
جۇمىس توبى 2023 جىلدىڭ اقپانىندا قازاقستاندىقتاردىڭ ەڭ قولايلى ۋاقىت بەلدەۋٸنە كٶشۋ تۋرالى بٸرنەشە مەرتە كەلٸپ تٷسكەن ٶتٸنٸشتەرٸنە بايلانىستى قۇرىلعان. ونىڭ قۇرامىنا عىلىمي ينستيتۋتتاردىڭ, مەديتسينالىق جوعارى وقۋ ورىندارىنىڭ, ورتالىق جەنە جەرگٸلٸكتٸ مەملەكەتتٸك ورگانداردىڭ ٶكٸلدەرٸ, پارلامەنت دەپۋتاتتارى جەنە ت. ب. كٸردٸ.
ٶتكەن جىلدان باستاپ مەديتسينا, فيزيولوگييا, گەوگرافييا, مەترولوگييا جەنە باسقا دا تٷرلٸ سالالاردى قامتيتىن جۇمىس توبىنىڭ مٷشەلەرٸ قازاقستاندا قولايلى ۋاقىت بەلدەۋٸن بەلگٸلەۋ مەسەلەسٸن زەرتتەپ كەلەدٸ.
جۇمىس توبىنا قاتىسۋشىلار UTC+5 بٸرىڭعاي ۋاقىت بەلدەۋٸنە كٶشۋ ەڭ دۇرىس جەنە وڭتايلى نۇسقاسى ەكەنٸن جەنە قازاقستاننىڭ كٶپتەگەن ايماقتارى تابيعي ۋاقىتقا ەڭ جاقىن ۋاقىتتى پايدالاناتىن بولادى دەگەن ورتاق پٸكٸرگە كەلدٸ.
بۇل رەتتە جۇمىس توبى حالىقارالىق تەجٸريبەنٸ سارالاپ, ەلەمنٸڭ 175 ەلٸندە بٸرٸڭعاي ۋاقىت بەلدەۋٸ قولدانىلسا, 22 مەملەكەت بٸرنەشە ۋاقىت بەلدەۋٸندە ەكەن.
سونداي-اق ساراپشىلار بٸرٸڭعاي ۋاقىت بەلدەۋٸن بەلگٸلەۋ ەلٸمٸزدٸڭ ەر ٶڭٸرٸنٸڭ تۇرعىندارى اراسىنداعى ۋاقىتشا كەدەرگٸلەردٸ جويىپ, كٶلٸك جەنە باسقا دا كوممۋنيكاتسييالاردى ٷيلەستٸرۋدٸ جاقسارتىپ, بيزنەستٸ جٷرگٸزۋگە, مەملەكەتتٸك ورگانداردىڭ ٶزارا ٸس-قيمىلىنا وڭ ەسەرٸن تيگٸزەتٸنٸن اتاپ ٶتتٸ.
قاۋلى رەسمي تٷردە جارييالانىپ, 2024 جىلعى 1 ناۋرىزدان باستاپ قولدانىسقا ەنگٸزٸلەدٸ.
