دەنساۋلىق ساقتاۋ مينيسترٸ ەلجان بٸرتانوۆتىڭ ايتۋىنشا, جوو تٷلەكتەرٸن تارتۋدىڭ ارقاسىندا بيىل دەرٸگەرلەر تاپشىلىعى 900-گە ازايعان, دەپ حابارلايدى قازاقپارات.
«قازٸرگٸ ۋاقىتتا 2019-2020 جىلدارعا ارنالعان العاشقى مەديتسينالىق-سانيتارييالىق كٶمەكتٸ دامىتۋ جوسپارى ٸسكە اسىرىلىپ جاتىر. وسى جىلى 1 300 دەرٸگەرلٸك بٶلٸمشە اشىلدى. ەر بٶلٸمشەنٸڭ جٷكتەمەسٸ - 1 658 ادامنان كەلەدٸ. الايدا كادرلاردىڭ جۇمىستى قوسا اتقارۋى مەن تاپشىلىعىنا بايلانىستى 1 دەرٸگەرگە ٸس جٷزٸندە بەكٸتٸلگەن حالىق سانى 1 900 ادامدى قۇراپ وتىر», - دەدٸ ەلجان بٸرتانوۆ سەناتتا ٶتكەن ٷكٸمەت ساعاتىندا.
مينيستردٸڭ ايتۋىنشا, جوو تٷلەكتەرٸن جۇمىسقا تارتۋدىڭ ارقاسىندا بيىل العاشقى مەديتسينالىق كٶمەك دەرٸگەرلەرٸنٸڭ تاپشىلىعى 900 ادامعا ازايعان.
«تسيفرلاندىرۋدىڭ ارقاسىندا ەمحانالارداعى كەزەك 30 پايىزعا تٶمەندەدٸ. شۇعىل سيپاتتان تىس شاقىرۋلار جەدەل جەردەم قىزمەتٸنەن بٶلٸمشە دەرٸگەرلەرٸنە بەرٸلگەننەن كەيٸن جىل ٸشٸندە جەدەل جەردەم شاقىرۋلارى 25 پايىزعا تٶمەندەدٸ. اۋرۋلاردى باسقارۋ باعدارلامالارىنا 462 مىڭ ادام قاتىسىپ جاتىر. نەتيجەسٸندە باعدارلاماعا قاتىساتىن اۋرۋلاردى ستاتسيونارلارعا ەمدەۋگە جاتقىزۋ 2,5 ەسەگە تٶمەندەدٸ», - دەدٸ ول.
ەلجان بٸرتانوۆ اتاپ ٶتكەندەي, 2022 جىلعا دەيٸن مەملەكەتتٸك-جەكەشەلٸك ەرٸپتەستٸكتٸ قوسا العاندا ەلٸمٸزدە 595 العاشقى مەديتسينالىق-سانيتارييالىق كٶمەك نىسانى سالىنىپ, جاڭارتىلادى. بۇل العاشقى كٶمەك نىساندارىن ٷلكەيتٸپ, ولاردىڭ قولجەتٸمدٸلٸگٸن قامتاماسىز ەتۋگە مٷمكٸندٸك بەرەدٸ.
