قر ٸشكٸ ٸستەر مينيسترلٸگٸ باسپاسٶز قىزمەتٸنٸڭ قىزمەتكەرٸ كەمٸل عاليەۆ ەلدەگٸ كريمينوگەندٸك احۋال جٶنٸندە مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا ەلدە ٶتكەن اپتادا 3353 قىلمىس تٸركەلگەن. ونىڭ 2223-ٸ بٸر تەۋلٸك ٸشٸندە اشىلعان. پوليتسييا كٸسٸ ٶلتٸرۋ قىلمىسىنىڭ - 11, دەنساۋلىققا اۋىر زييان كەلتٸرۋ سالدارىنان ٶلٸمگە اپارىپ سوقتىرعان - 2, قاراقشىلىق پەن ۇرلىقتىڭ - 36, بٶتەننٸڭ مٷلكٸن ۇرلاۋعا قاتىستى 553 فاكتٸنٸ ٸز سۋىتپاي اشقان.
«بٸر اپتانىڭ ٸشٸندە 196 جول-كٶلٸك وقيعاسى تٸركەلٸپ, ٶكٸنٸشكە قاراي 48 ادام كٶز جۇمدى. 225 ادام ەرتٷرلٸ دەڭگەيدە جاراقات الدى. اۋا رايىنىڭ بۇزىلۋىنا بايلانىستى ٸشكٸ ٸستەر مينيسترلٸگٸ ەلدٸ مەكەننەن تىس جەرگە كٶلٸكپەن شىعۋ جوسپارىن كەيٸنگە قالدىرۋعا شاقىرادى. جولدىڭ جابىلۋىن, اۋا رايىنىڭ بۇزىلۋىن الدىن الا قاداعالاپ وتىرعان ابزال», - دەدٸ كەمٸل عاليەۆ مينيسترلٸكتٸڭ باسپاسٶز مەسليحاتىندا.
