فوتو: ۆيكيپەدييا
2025 جىلدىڭ قورىتىندىسى بويىنشا قازاقستاندا 588 بازار جۇمىس ٸستەيدٸ. بۇل كٶرسەتكٸش 2024 جىلمەن سالىستىرعاندا 38 بازارعا از, دەپ حابارلايدى Ult.kz.
ستاتيستيكاعا سەيكەس, بازارلاردىڭ باسىم بٶلٸگٸ قالالىق جەرلەردە ورنالاسقان – 417, ال اۋىلدىق جەرلەردە 171 بازار تٸركەلگەن.
ٶڭٸرلەر بويىنشا بازار سانى ەڭ كٶپ ايماق – تٷركٸستان وبلىسى, مۇندا 103 بازار بار. ودان كەيٸن الماتى وبلىسى – 57 جەنە اقتٶبە وبلىسى – 53. ال ۇلىتاۋ وبلىسىندا نەبەرٸ 6 بازار جۇمىس ٸستەيدٸ.
سونىمەن قاتار, بازارلارداعى ساۋدا ورىندارىنىڭ سانى دا ازايعان. 2025 جىلى ولاردىڭ سانى 147,6 مىڭدى قۇرادى, ال 2024 جىلى بۇل كٶرسەتكٸش 150,8 مىڭ بولعان.
ٶڭٸرلٸك بٶلٸنٸستە ساۋدا ورىندارىنىڭ ەڭ كٶپ سانى الماتى قالاسىندا تٸركەلگەن – 26,5 مىڭ. العاشقى ٷشتٸككە سونداي-اق جامبىل وبلىسى (19,8 مىڭ) مەن الماتى وبلىسى (17,2 مىڭ) كٸرەدٸ.
جالپى بازار سانىنىڭ ٸشٸندە 265-ٸ زاڭدى تۇلعالارعا تيەسٸلٸ بولسا, 323 بازار جەكە كەسٸپكەرلەردٸڭ يەلٸگٸندە.
سونداي-اق, 588 بازاردىڭ 9-ى كوممۋنالدىق, ال 323-ٸ جابىق بازار ساناتىنا جاتادى. تاۋار تٷرٸنە قاراي 222 بازار مامانداندىرىلعان بولسا, 366-سى ەمبەباپ بازار رەتٸندە جۇمىس ٸستەيدٸ.
ساۋدا كٶلەمٸنە كەلسەك, 39 بازار كٶتەرمە ساۋداعا, ال 549 بازار بٶلشەك ساۋداعا باعىتتالعان.
