Foto: Vikipediia
2025 jyldyń qorytyndysy boiynsha Qazaqstanda 588 bazar jumys isteidi. Bul kórsetkish 2024 jylmen salystyrǵanda 38 bazarǵa az, dep habarlaidy Ult.kz.
Statistikaǵa sáikes, bazarlardyń basym bóligi qalalyq jerlerde ornalasqan – 417, al aýyldyq jerlerde 171 bazar tirkelgen.
Óńirler boiynsha bazar sany eń kóp aimaq – Túrkistan oblysy, munda 103 bazar bar. Odan keiin Almaty oblysy – 57 jáne Aqtóbe oblysy – 53. Al Ulytaý oblysynda nebári 6 bazar jumys isteidi.
Sonymen qatar, bazarlardaǵy saýda oryndarynyń sany da azaiǵan. 2025 jyly olardyń sany 147,6 myńdy qurady, al 2024 jyly bul kórsetkish 150,8 myń bolǵan.
Óńirlik bóliniste saýda oryndarynyń eń kóp sany Almaty qalasynda tirkelgen – 26,5 myń. Alǵashqy úshtikke sondai-aq Jambyl oblysy (19,8 myń) men Almaty oblysy (17,2 myń) kiredi.
Jalpy bazar sanynyń ishinde 265-i zańdy tulǵalarǵa tiesili bolsa, 323 bazar jeke kásipkerlerdiń ieliginde.
Sondai-aq, 588 bazardyń 9-y kommýnaldyq, al 323-i jabyq bazar sanatyna jatady. Taýar túrine qarai 222 bazar mamandandyrylǵan bolsa, 366-sy ámbebap bazar retinde jumys isteidi.
Saýda kólemine kelsek, 39 bazar kóterme saýdaǵa, al 549 bazar bólshek saýdaǵa baǵyttalǵan.
