ەلٸمٸزدە بالالار مەن اتا-انالاردىڭ تسيفرلىق ساۋاتتىلىعىن ارتتىرۋ ٷشٸن «بالالاردىڭ قاۋٸپسٸزدٸگٸ تۋرالى» ينتەرنەت پورتالىن قۇرۋ جوسپارلانعان. بۇل تۋرالى قر پرەمەر-مينيسترٸ اسقار ماميننٸڭ سەنات دەپۋتتارىنىڭ ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
«ينتەرنەتتٸ پايدالانۋ مەدەنيەتٸن ارتتىرۋ, ينتەرنەت-قىزمەتتەردٸ پايدالانۋشىلاردىڭ جاۋاپكەرشٸلٸگٸن تەربيەلەۋ ماقساتىندا بٸلٸم بەرۋ ۇيىمدارىنىڭ وقۋشىلارى مەن تەربيەلەنۋشٸلەرٸ ٷشٸن (3 ملن. جۋىق وقۋشى, اتا-انالار) «مەن OFFLINE», «قاۋٸپسٸز ينتەرنەت» كەڭ اۋقىمدى اقپاراتتىق ناۋقاندار ٶتكٸزٸلەدٸ. 2019 جىلدان باستاپ ينتەرنەت جەلٸسٸندە تەرروريستٸك جەنە دٸني-ەكسترەميستٸك سيپاتتاعى ماتەريالداردى انىقتاۋ, ەسەپكە الۋ, باعالاۋ جەنە ولارعا قول جەتكٸزۋدٸ شەكتەۋ جٶنٸندەگٸ جۇمىسقا تارتىلعان مەملەكەتتٸك ورگانداردىڭ ٶزارا ٸس-قيمىلىن وڭتايلاندىرۋعا جەنە اۆتوماتتاندىرۋعا باعىتتالعان «كيبەرنادزور» اقپاراتتىق جٷيەسٸ جۇمىس ٸستەيدٸ», - دەدٸ ٷكٸمەت باسشىسى.
ونىڭ دەرەگٸنشە, وسى جىلدىڭ باسىنان بەرٸ ينتەرنەت كەڭٸستٸكتە بالا قۇقىقتارىن بۇزۋمەن بايلانىستى 1 756 بۇزۋشىلىق, سۋيتسيدتٸ, قاتىگەزدٸككە تابىنۋدى جەنە زورلىق-زومبىلىقتى ناسيحاتتايتىن 553 ماتەريال انىقتالدى. ولاردى ينتەرنەت رەسۋرستاردىڭ مەنشٸك يەلەرٸ مەن ەكٸمشٸلٸكتەرٸ الىپ تاستادى.
«قازٸرگٸ ۋاقىتتا ۋەكٸلەتتٸ ورگاندار ۇيعارىمدار نەگٸزٸندە زاڭدا تىيىم سالىنعان اقپارات قامتىلعان ينتەرنەت رەسۋرستارعا قول جەتكٸزۋدٸ شەكتەۋ بويىنشا شارالار قابىلداۋدا. بالالار مەن اتا-انالار ٷشٸن Facebook, Instagram ەلەۋمەتتٸك جەلٸلەرٸندە جارييالانعان «بالالاردى ينتەرنەت جەلٸسٸندەگٸ زيياندى اقپاراتتان قورعاۋ تۋرالى», «بالالاردى ينتەرنەتتەگٸ زيياندى اقپاراتتان قورعاۋ جٶنٸندەگٸ اتا-انالارعا ارنالعان اقپاراتتىق كۋرس» ۇسىنىمدارى ەزٸرلەندٸ, سونداي-اق Telegram مەسسەندجەرٸندە جەدەل حابارلامالار رەجيمٸندە تەۋلٸك بويى «BALA QORGAU» چاتى ۇيىمداستىرىلعان. سونىمەن قاتار, بالالار مەن اتا-انالاردىڭ تسيفرلىق ساۋاتتىلىعىن ارتتىرۋ ٷشٸن «بالالاردىڭ قاۋٸپسٸزدٸگٸ تۋرالى» ينتەرنەت پورتالىن قۇرۋ جوسپارلانىپ وتىر», - دەدٸ اسقار مامين.
