ەلٸمٸزدەگٸ بالاباقشالاردا بولىپ جاتاتىن تٷرلٸ كەلەڭسٸز جەنە داۋ-داماي جاعدايلارعا قاتىستى تالداۋ جۇمىسى قولعا الىندى. بۇل تۋرالى قر وقۋ-اعارتۋ مينيسترلٸگٸنٸڭ بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ تٶراعاسى گٷلزات كٶبەنوۆا Oqu-ağartu LIVE ەفيرٸندە ايتتى, دەپ حابارلايدى قازاقپارات.
«بالاباقشالاردا بولىپ جاتاتىن كەلەڭسٸز جايتتار بويىنشا بٷگٸندە تالداۋ جٷرگٸزٸپ جاتىرمىز. سوڭعى بٸر جىل ٸشٸندە مەملەكەتتٸك اتتەستاتسييادان ٶتپەي قالعان بالاباقشالارداعى باستى مەسەلە - پەداگوگتاردىڭ جەتٸسپەۋشٸلٸگٸ. كەلەسٸ جايت - مامانداردىڭ بٸلٸكتٸلٸگٸن ارتتىرۋ. سول سيياقتى قاۋٸپسٸزدٸك مەسەلەسٸ دە ماڭىزدى بولىپ وتىر. اتا-انالاردىڭ پٸكٸرٸن ەسكەرۋ ماقساتىندا بالاباقشا قىزمەتٸنە قانشالىقتى كٶڭٸلٸ تولاتىندىعىنا قاتىستى ساۋالناما جٷرگٸزٸپ جاتىرمىز», - دەدٸ گٷلزات كٶبەنوۆا.
كوميتەت باسشىسىنىڭ مەلٸمدەۋٸنشە بالاباقشالارعا قاتىستى اتالعان مەسەلە بويىنشا 21 شٸلدە دە قوعامدىق تىڭداۋ ٶتەدٸ.
«سوڭعى 1 جىلدىڭ ٸشٸندە بالاباقشا جۇمىسىنا قاتىستى بٸزدٸڭ كوميتەت پەن ٶڭٸرلٸك دەپارتامەنتتەرگە 3 مىڭعا جۋىق ارىز-ٶتٸنٸش كەلٸپ تٷستٸ. كەلٸپ تٷسكەن ٶتٸنٸش-ارىزدار بويىنشا تيٸستٸ تەكسەرۋ جٷردٸ. ونىڭ قاتارىندا نۇر-سۇلتان قالاسى, اتىراۋ, اقمولا وبلىسى بار. كەيبٸر فاكتٸلەر دەلەلدەندٸ, نەتيجەسٸندە جاۋاپتى تەربيەشٸ جۇمىستان بوساتىلدى. كەيبٸر اتا-انالار تەك بٸزگە ەمەس, قۇقىق قورعاۋ ورگاندارىنا دا جٷگٸنٸپ جاتادى. سوڭعى جارتى جىلدىڭ ٸشٸندە بٸزگە وسىنداي 15 شاعىم تٷستٸ. ول بويىنشا تيٸستٸ شارا قابىلداندى. ەرينە, بارلىق بالاباقشا بٸردەي ەمەس. تيٸستٸ تالاپقا ساي جۇمىس ٸستەيتٸن بالاباقشالار دا بارشىلىق», - دەيدٸ ول.
بۇعان دەيٸن ەلٸمٸزدە بالاباقشالاردى ليتسەنزييالاۋ 2024 جىلدان باستالاتىنىن حابارلاعان ەدٸك.
