Elimizdegi balabaqshalarda bolyp jatatyn túrli keleńsiz jáne daý-damai jaǵdailarǵa qatysty taldaý jumysy qolǵa alyndy. Bul týraly QR Oqý-aǵartý ministrliginiń bilim jáne ǵylym salasynda sapany qamtamasyz etý komitetiniń tóraǵasy Gúlzat Kóbenova Oqu-ağartu LIVE efirinde aitty, dep habarlaidy QazAqparat.
«Balabaqshalarda bolyp jatatyn keleńsiz jaittar boiynsha búginde taldaý júrgizip jatyrmyz. Sońǵy bir jyl ishinde memlekettik attestatsiiadan ótpei qalǵan balabaqshalardaǵy basty másele - pedagogtardyń jetispeýshiligi. Kelesi jait - mamandardyń biliktiligin arttyrý. Sol siiaqty qaýipsizdik máselesi de mańyzdy bolyp otyr. Ata-analardyń pikirin eskerý maqsatynda balabaqsha qyzmetine qanshalyqty kóńili tolatyndyǵyna qatysty saýalnama júrgizip jatyrmyz», - dedi Gúlzat Kóbenova.
Komitet basshysynyń málimdeýinshe balabaqshalarǵa qatysty atalǵan másele boiynsha 21 shilde de qoǵamdyq tyńdaý ótedi.
«Sońǵy 1 jyldyń ishinde balabaqsha jumysyna qatysty bizdiń komitet pen óńirlik departamentterge 3 myńǵa jýyq aryz-ótinish kelip tústi. Kelip túsken ótinish-aryzdar boiynsha tiisti tekserý júrdi. Onyń qatarynda Nur-Sultan qalasy, Atyraý, Aqmola oblysy bar. Keibir faktiler dáleldendi, nátijesinde jaýapty tárbieshi jumystan bosatyldy. Keibir ata-analar tek bizge emes, quqyq qorǵaý organdaryna da júginip jatady. Sońǵy jarty jyldyń ishinde bizge osyndai 15 shaǵym tústi. Ol boiynsha tiisti shara qabyldandy. Árine, barlyq balabaqsha birdei emes. Tiisti talapqa sai jumys isteitin balabaqshalar da barshylyq», - deidi ol.
Buǵan deiin elimizde balabaqshalardy litsenziialaý 2024 jyldan bastalatynyn habarlaǵan edik.
