فوتو: elements.envato.com
قازاقستاندا بالا كٷتٸمٸ بويىنشا بەرٸلەتٸن جەردەماقىنى 3 جىلعا دەيٸن سوزۋ ۇسىنىلدى, - دەپ حابارلايدى Tengrinews.kz اگەنتتٸگٸ.
قازاقستان حالىقتىق پارتيياسى فراكتسيياسىنىڭ دەپۋتاتتارى "انا مەن بالانى دامىتۋعا ينۆەستيتسييا" ۇلتتىق جوباسىن قابىلداۋدى ۇسىندى.
ٷكٸمەت باسشىسى ەليحان سمايىلوۆقا جولداعان دەپۋتاتتاردىڭ ساۋالىن ايجان سقاقوۆا وقىپ بەردٸ.
"بالالاردىڭ كەدەيلٸگٸن جويۋدىڭ ۇلتتىق ستراتەگيياسى نەمەسە باعدارلاماسى تٷرٸندە ناقتى شەشٸم جوق. شىن مەنٸندە, بٸر ميلليون قازاقستاندىق بالا ەلٸ دە كەدەيلٸكتە ٶمٸر سٷرەدٸ. بۇل ەلدەگٸ ەربٸر التىنشى بالانىڭ بٸرٸ", - دەدٸ ول.
سقاقوۆا پرەزيدەنتتٸڭ باستاماسىمەن "بالالارعا ارنالعان ۇلتتىق قور" جاڭا باعدارلاماسى ٸسكە قوسىلعانىمەن, بالالاردىڭ ەلەۋمەتتٸك جاعدايىن تٷبەگەيلٸ جاقسارتۋعا باعىتتالعان مۇنداي جوبالاردى جٷزەگە اسىرۋعا ٷكٸمەتتە ەلٸ ستراتەگييالىق كٶزقاراس پەن جاڭا تەسٸلدەر جوق.
"جەردەماقى تٷرٸندەگٸ قولداۋ ەدەپكٸ بويىنشا ماڭىزدى, ول نەگٸزگٸ قاجەتتٸلٸكتەردٸ قامتاماسىز ەتەدٸ. بٸراق بۇل بالالاردى ەلەۋمەتتٸك قورعاۋدىڭ جالعىز شاراسى ەمەس", - دەدٸ ول.
سوڭىندا دەپۋتات كەلەسٸدەي ۇسىنىس ايتتى:
- انا مەن بالانى دامىتۋدى ۇلتتىق باسىمدىق دەپ جارييالاۋ. "انا مەن بالانى دامىتۋعا ينۆەستيتسييالار" ۇلتتىق جوباسىن قابىلداۋ;
- بۇل جوبانىڭ بٸرٸنشٸ كەزەڭٸ بالالار كەدەيلٸگٸن جويۋدىڭ ۇلتتىق باعدارلاماسى بولۋى كەرەك;
- بالا كٷتٸمٸنٸڭ اقىلى كەزەڭٸن 3 جاسقا دەيٸن ۇزارتۋ;
- بارلىق بالالارعا 18 جاسقا دەيٸنگٸ ەمبەباپ بالالار جەردەماقىسىن ەنگٸزۋ;
- بالانىڭ ٶمٸرلٸك, فيزيولوگييالىق, بٸلٸم بەرۋ, ەلەۋمەتتٸك, مەدەني جەنە باسقا قاجەتتٸلٸكتەرٸنە ناقتى جاۋاپ بەرەتٸن بالالار تۇتىنۋ سەبەتٸن ەزٸرلەۋ جەنە ەنگٸزۋ;
- Art Sport بالالار سپورت سەكتسييالارىن قارجىلاندىرۋ, باعدارلاماسىن پىسىقتاۋ جەنە تەز قالپىنا كەلتٸرۋ بويىنشا شارالار قابىلداۋ.
