قازاقستاندا ازاماتتاردى ەسكەرگە شاقىرۋ ۋچاسكەلەرٸنە تٸركەۋ باستالدى, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«ازاماتتاردى شاقىرۋ ۋچاسكەلەرٸنە تٸركەۋ – بۇل جاستاردى ەسكەري ەسەپكە قويۋ, ولاردىڭ سانىن, ەسكەري قىزمەتكە جارامدىلىق دەرەجەسٸن, بٸلٸم دەڭگەيٸن, العان ماماندىعى مەن دەنە شىنىقتىرۋ دايىندىعىن انىقتاۋ ٷشٸن تيٸستٸ جەرگٸلٸكتٸ اتقارۋشى ورگاندار مەن جەرگٸلٸكتٸ ەسكەري باسقارۋ ورگاندارىمەن بٸرلەسٸپ جٷرگٸزەتٸن ەسكەري ەسەپكە الۋ ٸس-شارالارى. «ەسكەري قىزمەت پەن ەسكەري قىزمەتشٸلەردٸڭ مەرتەبەسٸ تۋرالى» قازاقستان رەسپۋبليكاسىنىڭ زاڭى نەگٸزٸندە قازاقستاندا بيىل ون جەتٸ جاسقا تولعان ازامات ەسكەرگە شاقىرۋ ۋچاسكەسٸنە تٸركەلۋٸ تيٸس» دەپ مەلٸم ەتتٸ مينيسترلٸكتەن.
تٸركەۋ كەزەڭٸندە جاستارمەن ەڭگٸمەلەسۋ, ەسكەري قىزمەتكە جارامدىلىعىن راستايتىن مەديتسينالىق تەكسەرۋ جٷرگٸزٸلٸپ, قاجەتتٸ قۇجاتتار تەكسەرەدٸ. ەگەر تٸركەۋ پروتسەسٸندە ەمدەلۋگە (مەديتسينالىق باقىلاۋعا) مۇقتاج ەسكەرگە شاقىرىلۋشىلاردى انىقتاسا, وندا ولاردى ەمدەۋ-الدىن الۋ ۇيىمدارىنا تٸركەيدٸ.
ەسكەري ەسەپكە العاش رەت تۇرعان ازاماتتارمەن قورعانىس ٸستەرٸ جٶنٸندەگٸ باسقارمالاردا (بٶلٸمدەردە) قورعانىس مينيسترلٸگٸنٸڭ ەسكەري وقۋ ورىندارى بويىنشا ٷگٸت جۇمىسى جٷرگٸزٸلەدٸ جەنە كەلٸسٸمشارت بويىنشا ەسكەري قىزمەتتٸڭ پەرسپەكتيۆالارى تٷسٸندٸرٸلەدٸ.
ازاماتتاردى شاقىرۋ ۋچاسكەلەرٸنە تٸركەۋ اعىمداعى جىلدىڭ قاڭتار ايىنان ناۋرىز ايىنا دەيٸن جالعاسادى. قازاقستان بويىنشا ەسكەرگە شاقىرىلۋشىلاردى ەسكەري ەسەپكە 100 000-عا جۋىق ادامدى قابىلداۋ جوسپارلانىپ وتىر.
