قازاقستاندا اۆتوردان ەدەبيەتتەردٸ بەلگٸلٸ بٸر مەرزٸمگە ساتىپ الۋ تەرتٸبٸ ەنگٸزٸلەدٸ. بۇل تۋرالى سەناتتىڭ جالپى وتىرىسىندا قر مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى "ۇلت اقپارات".
«2017 جىلى دەپۋتاتتىق كورپۋستىڭ ارقاسىندا العاش رەت زاڭنامالىق دەڭگەيدە اۆتورلارعا قوعامدىق ماڭىزى بار ەدەبيەت ٷشٸن قالاماقى تٶلەۋ تەجٸريبەسٸ ەنگٸزٸلدٸ. بۇل باسقا ەلدەردە بولماعان جاعداي. الايدا, ٸس جٷزٸندە ىڭعايسىز قايشىلىقتار پايدا بولدى. اتاپ ايتقاندا, اۆتوردان ەدەبيەتتەردٸ ساتىپ الۋ اۆتورلىق قۇقىقتىڭ بارلىق مەرزٸمٸنە مەملەكەتكە اۆتورلىق قۇقىقتى بەرۋدٸ كٶزدەيدٸ. ول اۆتوردىڭ ٶمٸر سٷرگەن كەزٸندەگٸ مەرزٸم جەنە ودان كەيٸنگٸ 70 جىل. بۇل تۇرعىدا مەملەكەت ەدەبيەتتٸ ونى مەملەكەتتٸك كٸتاپحانالارعا ٶتەۋسٸز نەگٸزدە تاراتۋ ٷشٸن عانا ساتىپ الاتىنىن ايتا كەتكەن جٶن», - دەدٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسى جٶنٸندە بايانداما جاساعان مينيستر.
ونىڭ ايتۋىنشا, ٶز كەزەگٸندە اۆتوردىڭ قايتا شىعارۋعا نەمەسە كٸتاپ دٷكەندەرٸنە ساتۋعا نەمەسە ونى باسقا جولدار ارقىلى ساتۋعا قۇقى جوق.
«بۇل جاعدايدا مەملەكەتتٸڭ حالىققا مەدەني ٶنٸمنٸڭ قولجەتٸمدٸلٸگٸن قامتاماسىز ەتۋ جٶنٸندەگٸ مٸندەتٸ ورىندالمايدى, كەرٸسٸنشە شەكتەلٸپ وتىر. وسىعان وراي, جوبادا ەلٸمٸزدٸڭ كٸتاپحانالارىنا ەدەبيەتتٸ باسىپ شىعارۋ جەنە تاراتۋ ماقساتىندا اۆتوردان ەدەبيەتتەردٸ بەلگٸلٸ بٸر مەرزٸمگە ساتىپ الۋ قاراستىرىلىپ وتىر. ودان ەرٸ, اۆتور ونى باسىپ شىعارۋعا جەنە قازاقستان رەسپۋبليكاسىنىڭ زاڭدارىمەن تىيىم سالىنباعان كەز كەلگەن باسقا جولدارمەن تاراتۋعا قۇقىلى بولادى», - دەدٸ اقتوتى رايىمقۇلوۆا.
