بٷگٸن نۇر-سۇلتان قالاسىنداعى كەسٸپوداقتار ٷيٸندە قازاقستان رەسپۋبليكاسى كەسٸپوداقتار فەدەراتسيياسى مەن «قاراشىعاناق پەتروليۋم وپەرەيتينگ ب.ۆ» (قپو) كونسورتسيۋمى اراسىندا ىنتىماقتاستىق جەنە ٶزارا ەرەكەتتەستٸك تۋرالى كورپوراتيۆتٸك-ەلەۋمەتتٸك كەلٸسٸم بەكٸتٸلدٸ. بۇل جٶنٸندە فەدەراتسييانىڭ باسپاسٶز قىزمەتٸنە سٸلتەمە جاساپ قازاقپارات حابارلايدى.
قۇجاتقا قركف تٶراعاسىنىڭ مٸندەتٸن اتقارۋشى ساتىبالدى دەۋلەتالين مەن «قاراشىعاناق پەتروليۋم وپەرەيتينگ ب.ۆ» كونسورتسيۋمىنىڭ باس ديرەكتورى ەدۆين بلوم قول قويدى.
قر كەسٸپوداقتار فەدەراتسيياسىنىڭ باسشىسى اتاپ ٶتكەندەي, بۇل تەۋەلسٸز قازاقستان تاريحىنداعى تۇڭعىش كورپوراتيۆتٸك-ەلەۋمەتتٸك كەلٸسٸم. قۇجات ٸرٸ كومپانييا مەن رەسپۋبليكالىق كەسٸپوداق بٸرلەستٸگٸ اراسىنداعى ەلەۋمەتتٸك ەرٸپتەستٸكتٸ دامىتۋداعى نەگٸز قۇجات بولماق.
«بٸز كورپوراتيۆتٸك ەلەۋمەتتٸك جاۋاپكەرشٸلٸكتٸ جۇمىسشىلاردىڭ ەڭبەك قۇقىعىن قورعاۋدىڭ تاعى بٸر قۇرالى دەپ ەسەپتەيمٸز. بٷگٸن قول قويىلعان كەلٸسٸم ەلٸمٸزدەگٸ ەلەۋمەتتٸك-ەڭبەك قاتىناستارىن دامىتۋدا ايىرىقشا ماڭىزعا يە جەنە بٸز بيزنەستٸڭ كورپوراتيۆتٸك ەلەۋمەتتٸك جاۋاپكەرشٸلٸك قاعيداتتارىن جٷزەگە اسىرۋعا دەگەن تالپىنىستارىن ەرقاشان قولدايمىز. بۇل كەلٸسٸم ەلەۋمەتتٸك-ەڭبەك سالاسىنداعى قارىم-قاتىناستاردى نىعايتۋدا, سالالىق كەلٸسٸمدەر مەن ۇجىمدىق شارتتاردى دامىتۋدا جاڭا مٷمكٸندٸك بولماق», - دەپ اتاپ ٶتتٸ ساتىبالدى دەۋلەتالين.
سونىمەن قاتار, ول وسى كەلٸسٸمگە قول قويۋعا باستاماشى بولعان قركف بۇرىنعى تٶراعاسى ەرالى توعجانوۆقا ەرەكشە ريزاشىلىعىن بٸلدٸردٸ.
ساتىبالدى دەۋلەتالين سونىمەن قاتار, ەدۆين بلومعا كەسٸپوداقتار فەدەراتسيياسىنىڭ باستاماسىنا قولداۋ بٸلدٸرگەنٸ ٷشٸن جەنە كورپوراتيۆتٸك ەلەۋمەتتٸك جاۋاپكەرشٸلٸك يدەولوگيياسىن دامىتۋعا قوسىپ جاتقان ٷلەسٸ ٷشٸن العىسىن جەتكٸزٸپ, قپو بەكٸتكەن ۇجىمدىق كەلٸسٸمنٸڭ تيٸمدٸلٸگٸن اتاپ ٶتتٸ.
«وندا ەڭبەكاقىنى يندەكساتسييالاۋ, دەنساۋلىعىنا بايلانىستى ۋاقىتشا ەڭبەككە جارامسىز كەزٸندە تٶلەنەتٸن اقىنى كٶبەيتٸلگەن كٶلەمدە بەرۋ, كٶپبالالى وتباسىلارىنا ماتەريالدىق كٶمەك كٶرسەتۋ, شيپاجايدا ساۋىقتىرۋدى تٶلەۋ, جۇمىس بەرۋشٸنٸڭ قابىلدايتىن جەرگٸلٸكتٸ اكتٸلەرٸن كەسٸپوداق ۇيىمدارىمەن قابىلداۋ جەنە ٶزگە دە مەسەلەلەردٸ كەلٸسٸپ شەشۋ قاراستىرىلعان. وسىنداي ەلەۋمەتتٸك ەرٸپتەستەر كٶپ بولسا ەكەن. بۇل كەلٸسٸم باسقا دا ٸرٸ جۇمىس بەرۋشٸلەردٸ قركف باستاماسىن قولداۋعا جەنە جاڭا كورپوراتيۆتٸك ەلەۋمەتتٸك كەلٸسٸمدەرگە قول قويۋعا جەنە ٶز جۇمىسشىلارى ٷشٸن بۇرىنعىدان دا لايىقتى جاعداي جاساۋعا ىنتالاندىرادى»,-دەيدٸ ساتىبالدى دەۋلەتالين.
قپو باس ديرەكتورى ەدۆين بلوم ٶز كەزەگٸندە قر كەسٸپوداقتار فەدەراتسيياسىنا ريزاشىلىعىن بٸلدٸردٸ.
«بٸزدٸڭ قپو كورپوراتيۆتٸك كەلٸسٸم جاساۋدا العاشقى كومپانييا رەتٸندە تاڭدالىپ الىنۋى مەن ٷشٸن ٷلكەن مەرتەبە. بٸزدٸڭ كومپانييا ۇزاق جىلدار بويى قپو-نىڭ 4 مىڭ جۇمىسشىسى مەن كومپانييانىڭ مەردٸگەرلٸك ۇيىمدارىنداعى 15 مىڭ جۇمىسشىنىڭ مٷددەلەرٸن قورعايتىن ٷش كەسٸپوداق ۇيىمىمەن بٸرگە جۇمىس ٸستەپ كەلەدٸ. قپو مەن اتالعان كەسٸپوداق ۇيىمدارى اراسىندا بەكٸتٸلگەن ۇجىمدىق شارت بيىل قازاقستان بويىنشا ەڭ ٷزدٸك شارتتاردىڭ بٸرٸ دەپ تانىلعانى كەزدەيسوق ەمەس», - دەدٸ ەدۆين بلوم.
ونىڭ ايتۋىنشا, قپو كادرلاردىڭ اراسىندا قازاقستاندىقتاردىڭ ٷلەسٸن كٶبەيتۋگە ەرەكشە كٶڭٸل بٶلٸپ وتىر. بٷگٸنگٸ كٷنٸ كومپانييا وسى باعىتتاعى تٶرتٸنشٸ باعدارلاماسىن جٷزەگە اسىرۋدا. ونىڭ اياسىندا ينجەنەرلٸك جەنە كەسٸبي پوزيتسييالارداعى جەرگٸلٸكتٸ كادرلاردىڭ ٷلەسٸ - 69 پايىز, ال باسقارۋشى قۇرامنىڭ ٷلەسٸ - 76 پايىزعا جەتكەن.
قپو قازاقستاندىق جۇمىسشىلاردىڭ كەسٸبي بٸلٸكتٸلٸگٸن ارتتىرۋ ماقساتىندا ارنايى ترەنينگتەر ٶتكٸزٸپ تۇرادى. قازٸردٸڭ ٶزٸندە بۇعان 225 ميلليون اقش دوللارى جۇمسالعان.
«اتالعان كەلٸسٸمگە قول قويۋ بٸزدٸڭ كومپانييا جۇمىسشىلارىنىڭ ەلەۋمەتتٸك جاعدايىن جاقسارتۋعا ٷلەس قوسادى دەگەن سەنٸمدەمٸن. بۇل بٸزگە ۇجىمدىق كەلٸسٸمنٸڭ كٶمەگٸمەن بيزنەستٸ ەرٸ قاراي قالاي جٷرگٸزۋ كەرەك دەگەن مەسەلەدە ورتاق كەلٸسٸمگە كەلۋگە مٷمكٸندٸك بەرەدٸ. بٸز قركف جەنە ٶزٸمٸزدٸڭ ٷش كەسٸپوداق ۇيىمدارىمەن ەلەۋمەتتٸك ەرٸپتەستٸكتٸ ودان ەرٸ جاقسارتۋداعى جۇمىسىمىزدى جالعاستىرامىز. بۇل جۇمىس قازاقستاننىڭ بولاشاق ۇرپاعى ٷشٸن تۇراقتى مۇرا قالدىرۋعا باعىتتالعان ورتاق ماقساتقا نەگٸزدەلەدٸ», - دەپ سٶزٸن قورىتىندىلادى قپو باس ديرەكتورى ەدۆين بلوم.
كورپوراتيۆتٸك ەلەۋمەتتٸك كەلٸسٸم ٸرٸ كومپانييا مەن رەسپۋبليكالىق كەسٸپوداق بٸرلەستٸگٸ اراسىنداعى ەلەۋمەتتٸك ەرٸپتەستٸكتٸ دامىتۋداعى نەگٸزگٸ قۇجات.
ىنتىماقتاستىق اياسىندا تاراپتار جۇمىسشىلاردىڭ ەلەۋمەتتٸك-ەڭبەك قاتىناستارىن ساقتاۋ مەن قورعاۋ, لايىقتى ەڭبەك جاعدايىن جاساۋ, ەڭبەكتٸ قورعاۋ, دەنساۋلىق جەنە ەكولوگييالىق قاۋٸپسٸزدٸكتٸ قامتاماسىز ەتۋ سالاسىندا ەرەكەتتەستٸكتٸ نىعايتپاق.
ىنتىماقتاستىقتىڭ باسىم باعىتتارىنىڭ قاتارىندا ەڭبەك جانجالدارىنىڭ الدىن الۋ مەن بولدىرماۋ جەنە قوعامدا ەلەۋمەتتٸك تۇراقتىلىقتى ساقتاۋ بار.
